غەززە لەنێوان دادپەروەری و ئازادی و مافەكانی مرۆڤی ڕۆژئاوا و ئاگری چەكەكانیان
غـ ـەززە لەنێوان دادپەروەری و ئازادی و مافەكانی مرۆڤی ڕۆژئاوا و ئاگری چەكەكانیان
ئەگەر چی لەو هەموو ڕووداوانەی كە بە دەستی ڕۆژئاوا و بە سەرپەرشتیی ئەمریكا و زلهێزەكان ڕوویان دا لە ناوچەكە، هیچی لێوە فێر نەبووین! ئەو ڕووداوە خوێناوییە دڕندانەی کە ڕۆژەڤی غـ ـەززەی گەمارۆدراو پێمان دەڵێت: "ببینن و لە ڕشتنی بەناحەقی خوێنی ڕۆڵەكانی منەوە فێر ببن كە چەمكەكانی ئازادی و مافەكانی مرۆڤ و دادپەروەریی و بەهاكان و ... تاد. فەلسەفەی مۆدێرنەی ڕۆژئاوا درۆینەن، لە ئاگربارانی چەكە مۆدێرنەكانیان و هاوكارییەكانیان بۆ قەوارەی زایۆنیستی داگیركەر بەسەرماندا ڕووی ڕاستەقینەی ڕۆژئاواتان لێوە دیار بێت و بە لۆژیک پێناسەیان بكەن و بیانناسن."
ئێمە یەكەمین نین و دوایەمینیش نابین كە ڕۆژئاوا بەم حاڵە خوێن و سەروماڵ و شەرەف و خاكمانی كردووەتە ئامانجی بەرژەوەندییە تایبەتەكانی خۆی و هاوپەیمانانی، ئەوەتا ئەمریكا دەڵێت: "پاراستنی ئاسایشی قەوارەی زایۆنیستی داگیركەر پاراستنی ئاسایشی ئەمریكایە." دەی لەمە زیاتر چاوەڕێی چی بین؟
دەی ئیتر ئێستا باشترین كاتە عەقڵمان ئازاد بكەین و بە لۆژیكێكی تەندروستەوە و دوور لە بەهەڵەدابردن و فریودان، چەمكەكانی فەلسەفەی مۆدێرنەی ڕۆژئاوا: «ئازادی و دادپەروەری و مافەكانی مرۆڤ و ڕاستی و عەقڵانییەت و بەهاكان و ئەخلاق و پێشكەوتن و گەشەپێدان و ... تاد.» بخەینە قاڵبی بەهەڵەدابردن و فریودان و هەڵخەڵەتاندنەوە و، ئەم حەقیقەت و ڕاستییە مێژووییە ڕابگەیەنین كە بانگەشەی بەهاکانی ڕۆژئاوا گەورەترین درۆیە و تاوانەکانیان پەڵەیەكی ڕەشە لە مێژووی مۆدێرنەماندا.
عەلی تاڵەبانی
#ئاستانە_Astana