بۆچی ئاستانە؟

#ڕێکخراوا_ئاستانە 

ناساندن: 
ئاستانە بزاڤەکا هزریيا سەربخۆیە، کار دکەت بۆ بنیاتنانا گۆتارەکا هزرییا هەڤچەرخ، کو ئایینی وەکی جهگرەکێ گشتی نیشا ددەت، ب گەشەپێدانا نفشەکێ لڤۆکێ ڕۆناکبیر ل ژێر ڕۆناهییا دەقێن بهێز و شرۆڤەکرنەکا ئەقلی یا درستدا. هەروەسا چارەسەرییا ئالۆزی و گومانێن زانینێ ل ژێر عەورێن بێباوەری (ئیلحاد) و ئایینێن جودا و قوتابخانەیێن هزری دکەت. 

پەیاما ڕێکخراوا ئاستانە: 
خەباتکرنە بۆ نیشادانا ڕەهەندەکێ هزرا ئایینی یا سەردەمانە. بەرسڤا وان گومان و گرێکێن هزری و باوەری(ئیمانی) ددەتن، ئەوێن کو ژ بن عەورێن ئیلحاد و ئایینێن جودا دەردکەڤن؛ دویر ژ کاردانەڤێ، بەرفرەهکرنا ئەقلییەتا ڕەخنەگر، دانوستاندن و گەنگەشەکرنا بابەتانە و پارێزڤانییا ڕێباز و نویکرنا میتۆدا بانگەوازییێ. 

پێکهاتییێ ئاستانە:
ئەندامێن ئاستانە کۆمەکا بژارەیە ژ لێکۆلەر و ئایینزانێن بیاڤێ بەرسڤدانا گومان و گرێکێن هزری و ئالۆز یێن زانینێ ل هەرێما کوردستانێ، خودانا پاشخانەیەکا زانستی و کەسایەتێن ئەکادیمی و تایبەتمەندن ب ڕەهەندێن جوداجودا یێن بانگخوازییێ. 

ئاستانەیێ چ دڤێت؟
١- دڤێت ببیتە سیوانەکا تەڤگر بۆ وان شیان و پێنڤیس و ڤەلڤینێن هزرێن گەنجان، کو دەربارەی گەشەپێدانا هزری و لێکۆلینا ئایینی و هەڤبەرکرنا ئایینان و دۆزا ئیلحادێ و ئالۆزییێن گومانێن بيروباوەران کار دکەن، دویر ژ پاشخانەیا حزبی و ناکۆکيیێن بەرە و پێکهاتە و کۆمەلان. 

٢- ئاراستەکرنا گەنجێن خودان شیان بۆ ڤاڤاڕتن و ڕامالینا وان هەمی عەور و گرێکێن ل سەر ڕەهەندێن جوداجودا یێن گرێدایی ب خودێناسی و میتافیزیکێ پەیدا بووین، یێن گرێدایی بایۆلۆژی، فیسیۆلۆژی، قوتابخانەیێن فەلسەفی و ئایینێن هەمەرەنگ هەتا دگەهیتە مەزهەبێن جوداجودا. 

٣- بنیاتنانا ئینسکلۆپیدیایەکا هەمەجۆرا فرەڕەهەندا هزری، کو ژێدەرێ ئێکێ بیت، هەم د ناسینا پڕەنسیپێن بنەرەتیدا، هەم د بەرسڤدانا ڕەخنە و گومانێن هەمەڕەنگدا. 

٤- پێگەهاندنا شرۆڤەکار و هزرڤانێن نوی و گرنگیدان ب ڕێکەکا نوی یا بانگخوازی و ئاراستەکرنا گۆتارێن کلاسیکی یێن مامۆستایێن ئایینی و ئایینزانان بۆ مۆدێلەکێ نوی یا بانگەوازییێ. 

٥- هەلئێخستنا ژینگەهەکا زانستی یا ئارام، بۆ گەنگەشە و دانوستاندنەکا بابەتی، ب میکانیزم، شێوازەکێ جۆرەوجۆر، دیدار، کۆنفڕانس، پانێل و دیبەیتاندا. 

٦- دەستدانان لسەر تەڤایا وان لادانێن جۆرەوجۆر د بازنەیا هزریدا ڕویددەن، ڕویبڕویبوونەکا زانستیانە لگەل بانگهلدێرێن وان. 

٧- نویخازی د ڕەوشەنبیریيا ئایینیدا، د جڤاکەکیدا و دویرئێخستنا زالبوونا وی کەلەپۆر، کلتوور، تیتالێن جڤاکی و نەتەوەیی یێن دوڕاندی و یێن د دیرۆکەکا کەڤندا بووینە نەینکا (خودیکا) پڕەنسیپێن سەرەکی. 

دەستەیا ئارمانجکری: 
هەر تاکەکێ پێگیر ب بزاڤا هزری و پسپۆر و لێکۆلەر و خواندکارێن خواندنا باڵا، تا دگەهیتە نوخبەیەکا بژارە ژ ڕۆناکبیرێن جڤاکی و گەنجێن تێهنی بۆ ئارامییێ و لگەل وان ژی ئەڤێن سەركێشى و حەزا شەيدابوونا زانینێ ئەو گەهاندینە گومانێ. 

ئاستانە_astana