شەرمزابوونا ئێكەم دژمنێ ئیسلامێ د ڤی سەردەمیدا
شەرمزابوونا ئێكەم دژمنێ ئیسلامێ د ڤی سەردەمیدا
-بەشێ سیێ-
قەشە (زەكەریا بوترس) ل ساڵا 1934 ل مسرێ ژ دایكبوویە و پشتی ل چەند كەنیسەیێن میسری كاركری، ل ساڵا 1992 چوویە ئوستوراڵیا و پاشی چوویە بەریتانیا و پاشی چوویە ئەمریكا، گۆڤارا (وۆرڵد ) خەڵاتێ دانیال یێ ساڵێ دایێ ل سەر بەرنامێ (حوار الحق). ل ساڵا 2008 رۆژناما (الانسان الجدید) ژی ب دژمنێ ئیسلامێ یێ ئێکێ یێ ڤی سەردەمی ناڤکر.
ل سالا 2003 بەرنیاسبوو پشتی بەرنامێ وی یێ تەبشیری ل كەناڵێ (الحیاە)، ل ساڵا 2010 بەرنامێ وی هاتە راگرتن، ل ساڵا 2011 وی بخۆ كەناڵێ (الفادی) دامەزراند.
ناڤبری لیسانس هەیە د مێژوویێدا و درەوچێکەرەکێ ب شیانبوو. ڕاستی و درەو تێكلی ئێک دکرن و سیناریۆ بۆ چێدکرن ب ڕەنگەکی مرۆڤی گێژو هێڕ بکەت. ئەگەر تۆ د گەلەک تشتاندا یێ شەهرەزا نەبای دا تە دسەردابت. وی دزانی دێ ل کیرێ زێدەهی و كێمیا ئێخیتە ڕویدانێت مێژوویێ، کەیفا نەحەزێت ئاینی ئینابوو، خۆهەتا هندەک ژ زەنگینێن فەڵان ژی پارەکێ زۆر دابوو كەناڵێ وی پێخەمەت بەردەوامبوونا وی ل سەر تەحن و لێدانا ئیسلامێ.
د گوتارەکێدا بەحسێ ڕهـ و بنیاتێ مەسیحی -علیه السلام- دکەت كو د ئنجیلێدا هاتیە سێ ئافرەت ژ نەسەبا مەسیحی زناكەر بوون، ل دەمەکی مەسیحی نەسەب -ڕهـ- نینە چونكی خودێ ئەو ب موعجیزێ ژ مەریەما دەهمەن پاقژ پەیداکریە، هەروەكی ئادەم و حەوا -سڵاڤێن خودێ ل سەربن- كو ئەوژی دبێ نەسەب بوون و ب موعجیزێ ئافراندین.
ڤێجا قەشە زەكەریا دبێژیت: ئەو گەلەکا ئاساییە عیسا ژ نەسەبا وان ژنان بیت، چونكی ئەو یێ هاتی دا وان و مرۆڤایەتیێ ژ گونەهان رزگار بكەت. پاشی درەوەکا ب شاخ دكەت و دبێژیت: (حاشای سەروەرێ مە محمدی) دبێژن كوڕێ بابێ خۆ نینە و دەیكا وی ژ ئێکێ دی بوویە، ڤێجا ئەڤ بێبەختیە گوپیتکا بێ ئەدەبیێ بوو بەرامبەر وی کەسێ خودێ نەسەبا وی هەمی ب پاقژی ڕاگرتی و پاراستی. کو پاش دێ ئێمە سەر درێژیا وێ سەحبەتێ و ڕویڕەشبونا ڤی قەشەی كو خودێ ویكلیكس لسەر وی زاڵكر، ماڵا ویكلێكس ئاڤابیت هەکە چ مفا تێدا نەبیت ژبلی ڕویڕەشکرنا ڤی قەشەی ئەو بەسی مەیە، د گەل مەدا بن دێ بەردەوام بم...
#رێکخراوا_ئاستانە