ڕاستیا براینیێ د هزڕا مە دا

ڕاستیا براینیێ د هزڕا مە دا 


براینی د ئاینێ مەدا ماددەیەکێ دەستورێ خوداییە، بنەمایەکێ عەقیدێ یە، پەیوەندیەکە خودای ژ عەسمانی ئەمر پێ کریە. هەستەک ژ باوەرداری بو باوەرداری کو ئافرێنەر وەکی نیعمەتەکا خودایی وێنە دکەت (فٲصبحتم بنعمتە ٳخوانا)، ئەرکەکە پێغەمبەری (سلاڤ لێ بن) گرێدایە ب بەنداتیێ ڤە ( کون عباد اللە ٳخوانا).
دۆستی د ڤی ئاینێ مروڤ دوست دا سونبولە، بەلاڤکرنا سلاڤێ یە (ٲفشو السلام بینکم)، سەرەدان و هاریکاریا ئێک و دوو یە.
براینیا مە ئێک سوزە (رحماء بینهم)، هەڤالینیا مە دیمەنێ ڕاوەستیانا بەرامبەر خودیکەکێ یە (المٶمن مرآة ٲخیە المٶمن)، خودیکەکا ب نرخە، جوانی و خرابیێن مە نیشان ددەت، پاقژە و پاقژ مە وێنە دکەت، خودیکەکە عەیبێن مە بتنێ دبێژیتە مە، ئەگەر شکەست ژی ب ئەندازەیێ پارچێن خۆ مە وێنەدکەت. ئەڤ براینیە ئەمانەتەکێ خوداییە، قەتاندنا تاوانا (ولا تفرقوا)یە، دژاتی کرنا وێ فتنەیە، مەرەم ژ هەبوونا وێ مەرجێ ئیمانێ یە (ولا تٶمنوا حتی تحابوا)، کەربڤەبون ژێ نیفاقە.
ئەڤ براینە، برا بوون ب وی شینوارێ بەربەلاڤ نە کو ژ دایك و بابەکێ هاتبنە دونیایێ، برا بوون ب رامانەکا سۆفیزمیانە هوگرێ روحێ ب ڕوحێ ڤە، حەژێکرن، هزر، جوانی، برا بوون ب وێ ڕامانێ کو کەیفخوشیا مە پێکڤە بیت.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالإِيمَانِ وَلا تَجْعَلْ فِي قُلُوبِنَا غِلاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ.

دانیاڵ ژاکاو

#رێکخراوا_ئاستانە