نڤیسه‌رێن ئنجیلێ باوه‌ر ژ خودایه‌تییا عیسا (علیە السلام) دكه‌ن؟
نڤیسه‌رێن ئنجیلێ باوه‌ر ژ خودایه‌تییا عیسا (علیە السلام) دكه‌ن؟
چ كه‌سان ژ نڤیسه‌رێن ئنجیلێ باوه‌ری ب هندێ نه‌بوو كو عیسا (علیه السلام) خودێیه.
مه‌سیحی و موسلمان هه‌ردوو باوه‌ریێ ب عیسای دئینن، هه‌ردوویان عیسا خۆش دڤێت و ڕێزێ لێ دگرن، به‌لێ ئه‌ڤ دوو لایه‌نه بسه‌ر پرسگرێكا «خودایه‌تییا عیسا»یدا دابه‌ش بووینه.
ب خۆشحالیڤه ئه‌ڤ جیاوازییه دبیت بهێته چاره‌سه‌ركرن، ئه‌گه‌ر ئاماژه‌یێ ب وێ پرسیارێ بده‌ین د په‌رتووكا پیرۆز و قورئانا پیرۆزدا، چونكی ئنجیل و قورئان ژی مه فێر دكه‌ن كو عیسا (علیه السلام) نه خودێیه.
ئه‌ڤ چه‌نده بۆ هه‌ر لایه‌كێ یا ڕوون و ئاشكه‌رایه كو قورئان خودایه‌تییا عیسای ڕه‌ت دكه‌ت، ژبه‌رهندێ پێتڤی ناكه‌ت گه‌له‌ک ده‌می ب شڕۆڤه‌كرنا وێڤه ببه‌ین.
ژلایه‌كێ دیڤه، گه‌له‌ک كه‌س خه‌له‌ت د په‌رتووكا پیرۆز گه‌هشتینه، وه‌سا هزردكه‌ن باوه‌ری ئینان ب عیسای وه‌ک خودێ گه‌له‌ک به‌ربه‌ڵاڤه و یا فه‌ره د ئنجیلێدا هاتبیت.
ئه‌ڤ نڤیسینه ب ته‌مامی دیاردكه‌ت كو ئنجیل ڤێ چه‌ندێ نابێژیته مه! به‌لكی په‌رتووكا پیرۆز بڕوونی دبێژیته مه كو عیسا نه خودێیه. د ئنجیلێدا خودێ هه‌می ده‌مان زاته‌كێ دیتره، ژبلی عیسای.
هنده‌ك دبێژن: "هه‌ر تشته‌كێ عیسای گۆتبیت، یان هه‌ر تشته‌ك ئه‌نجامدابیت، ل ده‌مێ كو لسه‌ر ئه‌ردی بوویه ئه‌ڤه وێ دسه‌لمینیت كو عیسا خودێیه."
ئه‌م ژی دێ ڤێ بێژین كو دویڤكه‌فتیێن عیسای بخۆ ژی نه‌گه‌هشتینه وی ئه‌نجامی كو عیسا خودێیه. ئه‌و هنده‌ك كه‌سن كو دگه‌ل عیسای ژیاینه و دگه‌ل چووینه و ڕاسته ڕاست نیاسینه، كا چ كرییه و چ گۆتییه. هه‌روه‌سا د به‌شێن په‌رتووكا «کریار ژ پەیمانا نوی»دا بۆ مه هاتییه گۆتن كو دویڤكه‌فتیێن وی ب ڕووحا پیرۆز ڕاسته‌ڕێ بووینه.
ئه‌گه‌ر عیسا (علیه السلام) خودێ بیت، بێگومان دڤێت ئه‌و ڤێ چه‌ندێ بزانن، به‌لێ باوه‌رییا وان وه‌سا نه‌بوو، به‌رده‌وام بوون لسه‌ر په‌رستنا خودایێ دروست یێ كو پێغه‌مبه‌ر «ئیبراهیم، موسا، عیسا»ی په‌رستی.
"خودایێ ئیبراهیمی و ئیسحاق و یه‌عقوبی، خودایێ بابێن مه، عیسایێ خزمه‌تكارێ خۆ ڕێزدار كر."
كردار ١٣:٣
هه‌می نڤیسه‌رێن ئنجیلێ باوه‌رییا وان ئه‌و بوو كو عیسا نه خودێیه. ئه‌و هزرا كو عیسا خودێیه، به‌شه‌ك نه‌بوو ژ بیروباوه‌رێن مه‌سیحییه‌تێ هه‌تا پشتی كو ئنجیل هاتییه نڤیسین، چه‌ند سه‌ده بسه‌رڤه چوون هه‌تا بوویه پشکەک ژ باوه‌ریا مه‌سیحییان، «مەتتا، مرقس، لۆقا» نڤیسه‌رێن سێ ئنجیلێن ده‌ستپێكێ، باوه‌رییا وان ئه‌و بوو كو عیسا نه خودێیه.
بۆ نموونه:
عیسای گۆتێ: "بۆچی من ب كه‌سه‌كێ باش ناڤ دكه‌ی؟ ژبلی خودێ كه‌س باش نینه."
مه‌رقۆس ١٨:١٠
عیسای به‌رسڤ دا: "بۆچی ده‌رباره‌ی باشیێ پرسیارێ ژمن دكه‌ی؟ بتنێ ئێك یێ باشه، به‌لێ ئه‌گه‌ر ته دڤێت بچیه دناڤ ژیانا دروستدا، وه‌سیه‌تان بجهـ بگه‌هینه."
مه‌تا ١٧:١٩
باوه‌رییا وان وه‌سا بوو كو عیسا كوڕێ خودێیه، ژبه‌ركو كه‌سه‌ک ڕاست و دروست بوویه، نه‌كوو كوڕێ ماددی یێ خودای بیت. هه‌روه‌سا گه‌له‌ک كه‌سێن دی ژی ب هه‌مان شێوه دگۆتنێ كوڕێ خودێ.
ل ڤێرێ عیسا (علیه السلام) دبێژیته قوتابیێن خۆ: "هوین كوڕێن خودێنه، هه‌روه‌سا هوین نامرن، چونكی هوین وه‌كی فریشته‌یانه و كوڕێن خودێنه و یێن ڕابوونێنه."
لۆقا ٣٦:٢٠
پۆڵس، باوه‌رییا وی ئه‌و بوو كو هنده‌ک ژ ئنجیلێن نڤیسه‌رێن وان سێزده، یان چارده نڤیسه‌ر بن، هه‌روه‌سا باوه‌رییا وی ئه‌و بوو كوو عیسا (علیه السلام) نه خودێیه. ب هزرا «پۆڵس»ی خودێ ل ده‌ستپێكێ عیسا دروست كر، پاشی عیسا وه‌ک ئه‌گه‌ره‌كێ بكارئینا بۆ هندێ داكوو هه‌می دروستكرییێن دیتر دروست بكه‌ت.
"كوڕ وێنه‌یێ خودێیه یێ كو نه‌هاتییه دیتن، جهگرێ وییه و دسه‌ر هه‌می ئافراندییان ڕایه."
كۆلۆسی ١٥:١
"به‌لێ بۆ مه بتنێ ئێک خودێ هه‌یه، ئه‌و ژی ئه‌و بابه یێ كوو هه‌می تشت ژده‌ڤ وینه و ئه‌م ژی بۆ وی دژین، هه‌روه‌سا بتنێ ئێك مه‌زن هه‌یه، عیسایێ مه‌سیحه، ئه‌و ئه‌گه‌رێ هه‌می تشتییه و ئه‌م ژی ژبه‌ر وی دژین."
ئێكه‌م كۆرنسۆس ٦:٨
ژ نامه‌یێن بۆ جوهییان هاتین، به‌ڵگه‌یێن هه‌ڤشێوه هه‌نه. هه‌روه‌سا د ئنجیل و نامه‌یێن یوحه‌نای ژیدا هه‌مان به‌ڵگه پشتی حه‌فتێ ساڵان لسه‌ر عیسای هه‌نه. دڤان هه‌می نڤیسیناندا، عیسا هێشتا به‌نده‌یه و ملكه‌چیێ خودێیه ژبه‌رهندێ هه‌تاهه‌تایییه.
بنێره، ئێكه‌م كۆرنستێ ده‌قێ ٢٨:١٥
"ل ده‌مێ هه‌می كرینه ملكه‌چیێن خۆ، ڤێجا كوڕ ژی بخۆ دێ بیته ملكه‌چی بۆ وی ئه‌وێ كو هه‌می تشت ملكه‌چی خۆ كرین، هه‌تا كو خودێ ببیته هه‌می تشت د هه‌می تشتاندا."
#ئاستانە_بادینی #Astane_badînî