وەرە، خۆم دەزانم حەزت لە چییە!
وەرە، خۆم دەزانم حەزت لە چییە!
لەوەیە هەمووان بزانن ژیان لەژێر هەژموونی سەرمایەداری و مۆدێرنە و جیهانگیری زۆر ئاڵۆز بووە و، وەک مشەخۆرێک ناهێڵێت لە خەم داببڕێیت تاوەکوو دەمرێت.
بەڵام کاتێک ورد دەبیتەوە تەماشا دەکەیت زۆرێک لە دەردەسەرییەکانت شتگەلێکی ناپێویست و زیادەن کە چواردەور و ژینگە و سیستەمەکە بەسەرتدا فەرزی دەکات، نەک ویست و پێویستی خۆت داوای بکات.
لەم نێوانە تاوانباری سەرەکیی سەرمایەداری و سیستەمە سەپێنراوەکەیە، لە ڕاستیدا سەرمایەداری خۆی ئەو بۆشاییانەت بۆ دروست دەکات و خۆیشی هەوڵی پڕکردنەوەی دەدات بە نرخێکی باش و، تەواوی ژیانت دەکات بە سووڕێکی ئیش و پارەکۆکردنەوە و پاشان خەرجکردنی.
لەم نێوانە ئەوەی بە فیعلی بازرگانی پێوە دەکرێت، ژیان و تەمەنی تۆیە.