گێلمان دەکەن!

گێلمان دەکەن!

ئەم پەرتووکە بابەتی ڕەخنەییە لە کۆی سیستەمی پەروەردەی قوتابخانە، لە دوو توێی ١٥٠ لاپەڕەدایە، لە نووسینی «گاتۆ»یە، برای ئازیزم کاک بنار جەبار وەرگێڕانی بۆ کردووە، پێشەکییەکەی لە خودی پەرتووکەکە بەپێزتر بوو.

گاتۆ دەڵێت: "خودی ئەم سیستەمە بێویژدانە، ئەگینا مامۆستاکان زۆر خەمخۆرانە کار دەکەن و دڵسۆزن."

گاتۆ پێشنیازی ماڵپەروەری دەکات، لە هەمان کاتیشدا باسی کۆسپەکانی بەردەمی دەکات، دەڵێت: "هیچ لۆژیک نییە منداڵەکان لە یەک هەفتە ٩ کاژێر لەگەڵ باوانیان بن، لە کۆی ١٦٨ کاژێر، ٥٧ کاژێر بۆ خەوتن، ەە کاژێر بۆ سەیرکردنی تیڤی و مۆبایل، ٨ کاژێر بۆ خۆئامادەکردن، ٧ کاژێر بۆ ئەرکی ماڵەوە. هەموو ژیانی منداڵانمان بووەتە قوتابخانە. زۆر جار ئێمە درۆیان لەگەڵ دەکەین، دەڵێین: "ئەگەر نمرەی بەرز بێنن، هەلی کارتان دەست دەکەوێت! -نمرەدانان بۆ قوتابی وەکوو کاڵا و، سەوزە و میوەیە-، لە کاتێکدا وا دەبینین گوزەرانی دەرچووانی زانکۆکان چۆنە، بەدەست بێکارییەوە دەناڵێنن." ئەم وتەی گاتۆ وتە بەناوبانگەکەی (roberit kayosake)ی بیر هێنامەوە کە دەڵێت: "ئەگەر دەتەوێت دەوڵەمەند بیت، واز لە قوتابخانە بێنە!"

گاتۆ دەڵێت: "ئەگەر پێت وایە بۆئەوەی منداڵ فێری نووسین و خوێندنەوە و حیسابات بێت لە قوتابخانە، لە بریی ١٦ ساڵ تەنیا ١٠٠ کاژێرمان پێوستە بۆ کەسێک بیەوێت فێر ببێت!"

لەم ڕۆژانە لە کەناڵی (rudaw) کەسێک بانگێشت کرابوو وتی: "قوتابییان ١٦ ساڵ دەخوێنن دەرفەتی کاریان نییە، لای ئێمە بە ٢٠ کاژێر دەبێتە خاوەن کاری خۆی!"

کارزان موحەممەد

#ئاستانە_Astana

لە تۆڕە کۆمەڵایەتییەکان لەگەڵمان بن:🌐 تەلەگرام  🌐 فەیسبووک  🌐 ئینیستگرام  🌐 ئێکس