ئازاری بەخەبەرهێنانەوە!
ئازاری بەخەبەرهێنانەوە!
جوتیارێکی کورد تەواوی بەرهەمی ساڵەکەی بەخشی بە غـ.ـەززە. ئەم هەواڵە زۆر پەیام و مانای تێدایە؛ لە لایەکەوە دەرخەری یەکپارچەیی گیانی ئوممەتە، سەرەڕای سنوورە دەستکردەکان و هەوڵی بێوچانی سیستەمی جیهانی بۆ جیاکردنەوەمان، خۆ ئەگەر ئەم سنوورانە هێشتا لەسەر زەوی مابن، بەڵام «تۆفانی ئەقـ.ـسا» هەمووی لە دڵەکان سڕییەوە.
لە لایەکی ترەوە ئەمە جاڕی شکستی پێڕی عالەمانی و قەومچیی دەمارڕەقی کوردییە، لەگەڵ ملیۆنان دۆلاری میدیاکانیان کە ساڵانێکە خەریکی نیشاندانی کوردن بە شێوەیەکی تر لەبەرچاو جیهانی ئیسلامی، لە هەمان کاتیشدا ڕەشکردنی جیهانی ئیسلامی لە چاوی تاکی کوردا.
ئەم ئازار و خوێنەی لێمان دەڕوات، دەبێتە ئازاری هەستانەوە و بەخەبەر هێنانەوە لە خەوێکی قووڵی دەیان ساڵە.