باربی و خەیاڵی ڕۆژئاوا بۆ ئافرەت
باربی و خەیاڵی ڕۆژئاوا بۆ ئافرەت
زۆربەمان بووکی باربیمان بینیوە و، لەوەیە هەر بە شتێکی منداڵانەمان زانیبێت، بەڵام لە ڕاستیدا باربی بەرجەستەبوونی خەیاڵی ڕۆژئاوایە بۆ ئافرەتی نموونەیی و، خودی باربی وەک کەرەستەیەکی هەناردەکردنی ئەم تێڕوانینە کار دەکات.
باربی خاوەن کۆمەڵێک پێوەری جوانیی نموونەییە؛ باڵایەکی مامناوەند یان بەرز، لەشێکی ڕێک و کەمەرێکی باریک، دەموچاوێکی تیژ و کێشراو، قژێکی کاڵ و چاوی شین. بە پێوەرەکانی هۆڵیوود و ڕۆژئاوا بۆ جوانی، باربی کچی شارە و هەمیشە بە دوای مۆدەوەیە، جلی دووبارە لەبەر ناکات و هەمیشە خەریکی جوانکاری و ئێکسسواراتە.
باربی نموونەیەکی بەرجەستەی ئافرەتی بەکاربەرە کە لە کڕین و گەڕان ناوەستێت و، کچی ڕەسەنی سەرمایەداری و عەولەمەیە. لەگەڵ ئەمانەشدا، باربی حەزی بە زەواج و بەخێوکردنی منداڵ نییە، بەڵکوو هەموو ژیانی بریتییە لە «خود-سەنتەری» و خەریکبوون بە خۆی و گرنگیدان بە قژ و جل و بازاڕکردنەوە.
ئەمە ئەو نموونەیەیە کە ڕۆژئاوا دەیخوازێت و، دەیەوێت هەناردەی دەرەوەی بکات. لە بەرانبەردا، هەندێک نموونەی «ماشا» وەک وێنایەکی ڕۆژهەڵاتی دەبینن کە ڕووسیا پێشنیازی دەکات و، بە تەواوی پێچەوانەی کەسایەتیی باربییە.
لەم نێوانەدا گرنگە بزانین تێڕوانینی ئێمە چییە؟ ئێمە دەبێت چی پێشنیاز بکەین؟
#ئاستانە_Astana