دیندارەکان کوشتارگەی زۆریان کردووە، یاخود مولحیدەکان؟

دیندارەکان کوشتارگەی زۆریان کردووە، یاخود مولحیدەکان؟

داوکینز لە کتێبی (The Delusion God)دا دەڵێت: "جەنگ و وێرانکارییە گەورەکان لەسەر دەستی ئایینەکان ڕووی داوە، باشترین چارەسەریش ئەوەیە کە مرۆڤایەتی بە شێوەیەکی گشتی واز لە ئایین و بیروباوەڕ بهێنێت." بەڵام داوکینز لە بەرنامەیەکی تەلەڤزیۆنیدا کاتێک پرسیاری لێ دەکەن دەربارەی ئەو جەنگ و کوشتارەی کە ستالین و بێباوەڕانی تری جیهان دروستیان کرد، ناتوانێت هیچ وەڵامێک بداتەوە، تەنیا دەڵێت: "ستالین کەسێکی مەیخۆر بوو، بۆیە تووشی ئەو هەڵە گەورانە بوو!"

ئەمە قسەی یەکێک لە بەناوبانگترین مولحیدەکانی (Anti-theist) سەردەمە! 
با کورتەیەک لە کوشتارگەکانی مێژوو و مۆدێرن باس بکەین:

١- ستالین ٢٠ ملیۆن مرۆڤی کوشتووە (کوردستانی سوور نزیکەی ٥٥ هەزار دانیشتووانی هەبوو، تەنانەت منداڵی کۆرپەلەش قوتار نەبوون لە ژێر دروشمی کۆمیونیست و ستەمکاریی ستالین، گشتی شەهید کران! تەنانەت لەسەر نەخشەش ڕەش کرانەوە.)

٢- دەسەڵاتی کۆریای باکوور لە ساڵی ١٩٤٨ تاکوو ئێستا: ٧١٠،٠٠٠ بۆ ٣،٥٠٠،٠٠٠ مرۆڤی کوشتووە.

٣- پۆل پۆت لە ساڵی ١٩٧٥ بۆ ١٩٧٩، ١.٥ بۆ ٣ ملیۆن مرۆڤی کوشتووە.

٤- ئیمپراتۆریەتی هیرۆهیتۆ لە کۆتاییەکانی سەدەی ١٩، لە ٣ ملیۆن بۆ ١٤ ملیۆن مرۆڤی کوشتووە.

٥- ماو تسی تۆنگ، ٧٨ بۆ ٨٠ ملیۆن مرۆڤی کوشتووە.

٦- لینین، ٨ ملیۆن مرۆڤی کوشتووە.

٧- لە ژێر ناوی کۆمیونیست، ١٠ بۆ ١٤٨ ملیۆن مرۆڤ کوژراوە.

٨- جەنگی جیهانیی دووەم، ٧٥ بۆ ٨٥ ملیۆن مرۆڤی کوشتووە.

٩- داگیرکارییەکەی مەغۆل لە سەدەی ١٣، ٤٠ بۆ ٦٠ ملیۆن مرۆڤی کوشتووە.

١٠- جەنگی جیهانیی یەکەم، نزیکەی ١٥ ملیۆن مرۆڤی کوشتووە.

١١- داگیرکاریی چین سەدەی ١٧، ٢٥ ملیۆن مرۆڤی کوشتووە.

ئەمانە و زیاتریش هیچی لە ژێر ناوی ئایین نەبووە!
پرسیارێک لێرە دێتە ئاراوە: ئایا جەنگ لە ژێر ناوی ئایین زیاتری کوشتووە، یاخود لە ژێر ناوی ئیلحاد؟ وەڵامی ئەم پرسیارە بۆ ئێوە دادەنێین!

سەرچاوەکان:
‏1-  Jewish Ethics as Dialogue Using Spiritual Language to Re-Imagine a Better World. Moses L. Pava. P 118.
‏2-  https://about-history.com/list-of-dictatorships-by-death-toll-the-top-10-biggest-killers-in-history/
‏3-  https://allthatsinteresting.com/who-killed-the-most-people-in-history
‏4-  https://www.str.org/w/the-real-murderers-atheism-or-christianity-
‏5-  Valentino, Benjamin (2005). Final Solutions: Mass Killing and Genocide in the Twentieth Century. Cornell University Press. pp. 75, 91, 275. ISBN 9780801472732.
‏6-  Reevaluating China's Democide to 73,000,000". 24 November 2008.
‏7-  https://worldpopulationreview.com/country-rankings/world-war-two-casualties-by-country
‏8-  https://www.investopedia.com/terms/v/vladimir-lenin.asp
‏9-  https://interactive.aljazeera.com/aje/2024/israel-war-on-gaza-10000-children-killed/
‏10-  https://www.history.com/news/10-things-you-may-not-know-about-genghis-khan
‏11-  https://historyatnormandale.wordpress.com/2019/04/26/death-toll-of-the-mongol-conquests/
‏12-  https://www.statista.com/statistics/1208625/first-world-war-fatalities-per-country/
‏13-  http://www.ethno-kavkaz.narod.ru/kurdistan26.html
‏14-  http://www.rau.su/observer/N21_93/21_09.HTM


#ئاستانە_Astana