لە جیهانێکدا کە دروشمەکان زۆر و واتا قووڵەکان کەمن، دکتۆر موحەممەد عیمارە وەک پزیشکێکی فیکری; هەڵدەستێت بە نەشتەرگەرییەک بۆ دروشمی «ئیسلام چارەسەرە»، تا لە ڕووکەشیی سیاسی و وشکیی ئایینی ڕزگاری بکات و ڕۆح و ناوەڕۆکە شارستانییەکەی بۆ بگەڕێنێتەوە.

ئەو ئیسلامەی نووسەر وەک چارەسەر پێشکەشی دەکات، کۆمەڵێک پەرستشی تاکەکەسی، یان گەڕانەوەیەکی سادە بۆ مێژوو نییە، بەڵکوو «پرۆژەیەکی شارستانیی زیندووە» کە کۆڵەکەکانی لەسەر دادپەروەری، عەقڵانییەت، (ئیجتیهاد) و مەبەستە باڵاکانی شەریعەت (مقاصد) ڕاگیراوە.

ئەم کتێبە دیالۆگێکە لەگەڵ عەقڵدا پێش هەست و سۆز، هەوڵێکە بۆ دۆزینەوەی ئەو ڕێگا زێڕینەی کە لەنێوان دوو بەرداشی توندڕەویی ئایینی و بێباوەڕیی سیکۆلاریدا ون بووە.