لە سەردەمێکدا کە دەنگەکان بەرز و دڵەکان تەسک بوونەتەوە، تیخی وشەکان لە شمشێر بڕەرترن، ئەم پەرتووکە وەک ڕووگەنمایەک بۆ ڕۆحە وێڵەکان لە بیابانی مشتومڕدا و، وەک مەڵهەمێک بۆ سارێژکردنی برینی پەرتەوازەیی خۆی دەنوێنێت.

ئەم بەرهەمە تەنیا کۆمەڵێک دەق و زانیاری نییە، بەڵکوو بانگهێشتێکە بۆ گەشتێکی فیکری؛ لە تێگەیشتنی ڕووکەشەوە بۆ قووڵایی مەعریفەت، لە دەمارگیریی کوێرانەوە بۆ دادپەروەریی بینا. 

نووسەر بە نەخشەیەکی ئەندازیاریی ورد، (٩٣) بنەمای زێڕین دادەڕێژێت، تا پردێک لەنێوان بیرە جیاوازەکاندا دروست بکات و هونەری گوێگرتن پێش هەوەسی وەڵامدانەوە بخات.