دەستکەفتێن من یێن ئەڤ سالە!

دەستکەفتێن من یێن ئەڤ سالە!

ئەڤ سالە من چ دەستکەفت نەبوون.
درەوێ ل هەوە ناکم نە ب  نمونەبینا بوونەکا بێ بها، نە ب نڤیسینا دووبارە و نە ب دروشمێن بریسقەدار و زیق. گەلەک پارە من پاشکەفت نەکرینە، نەگەهشتم پلە و پوستێن مەزن، من گەشت بو باکورێ فینلەندا نەکرییە یان ب گوپیتکا ئەڤرێستیدا سەرکەفتبم. شهادەکا باوەرپێکری من ب دەستڤە نەئینایە یان ژی سەد کتێب من خواندبن.

ئەڤە و گەلەکێن دیژی وەکی ڤان چەندین سالە دگەل من هەلاویستی یێ لبەر دەستێ من لسەر دیواری بۆ چەندین سالێن دیژی دێ مینن. بەلێ تاکە دەستەکەفتا من بدەستڤەئینایە کوو وەل من دکەت ڕازی ببم و شانازییێ پێ ببەم؛ ئەوە کو هێشتا یێ هەولددم. سالەک بووری و هەر چەند ژ خودای دورکەتبم، هند یێ نزیکژی بوویم، هەر جارەکا بێئەمریا خودێ من کربیت من توبەژی یا کری، هەر گاڤا کەتبم یێ ڕابوویمڤە و بو دەمەکی ژی ئەگەر من لادابت سەر ڕێکێ بو بهێنڤەدانێ؛ دووبارە یێ هاتیم سەر ڕێکێ و بەردەوام بووم ژ ڕێڤەچوونێ، سالەک و بگرە چەندین سالان ژ هەولدانێن بەردەوام و زەحمەتییا ژیانێ و باوەرییەکا کێم و زێدە دکەت و زانستەکێ فێردبم و ژبیرا من ژی دچیت، تشتەک زێدە دکەت و دکەڤیت سەرێک، کریارەکا باش کو هندەک هشک بوویە و هندەکا دی خۆار و تەڕە.

سالەک بووری و هێشتا ئەز بەردەوامم و یێ هەولددم، سوین دخوم کو ئەڤە مەزنترین دەستکەفتە ڕامانێ بدەت ژیانێ و ڕوژان خۆشتر لێ بکەت و شاهی و تامێ بدەت ب سالا بهێت. سال دبووریت و هێشتا توو لبن ڕەحما ڤەشارتی یا خودێ دای، ڤێجا دەستا ژ خەیال و ئەفسانەیان بەردە ب لیستێن دور و درێژ و ئارمانجێن دویردەست.

تاکە ئاڕمانج و دەستکەفتەک بو خۆ بدانی:
بێژە ئەز هێشتا بەردەوامم و هەولددم و بەردەوام دبم و ئەڤە بەسە!

#ئاستانە_بادینی #Astane_badînî