ب کەسۆکیکرنا گەنگەشەیان!
ب کەسۆکیکرنا گەنگەشەیان!
د ڕاستیێدا دڤێت گەنگەشێن هزری ل ئاستەکێ بابەتی و ئەکادمیدا بن و د دوویر بن ژ گەنگەشا کەسوکی(شەخسی) و گوتنێن نە ژهەژی و ئیهانەکرنا ئێکودوو. بەلێ گەلەک جاران ل دەمێ کەسێ گەنگەشەڤان نەشێت بەرسڤا بەلگەیێن کەسێ بەرنبەر بدەت، ب نەچاری دەس دکەت ب شکاندن و و کێمرکنێ ب ڕێکا بەحسکرنا کێماسیێن وی و بابەتێن کەسوکی و یاریپێکرن ب ڕابردوویێ وی، بۆ نموونە:
گۆتنا فیرعەوینی بەرانبەر پێغەمبەر مووسای (علیە سلام) ل دەمێ مووسای بانگەوازی کری بۆ ڕێکا خوداپەرستیێ. فیرعەونی گۆتێ:﴿قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ وَفَعَلْتَ فَعْلَتَكَ الَّتِي فَعَلْتَ وَأَنتَ مِنَ الْكَافِرِينَ﴾ [الشعراء: ١٨ - ١٩] ڕامان: «ئەڤە جزایێ زەلامینیێیە! ئەرێ ما مە ژ زارۆکینێ وەرە تو ب خودان نەکری؟ چەندین سالێن تەمەنێ خۆ تە دناڤ مەدا دەرباز نەکرن؟ تە ئەو کر یا تە کری -مەبەستا وی کوشتنا ئەوی زەلامێ قبتی وەسا دیارە کو و یێ د ڕێزا ئەوان کەسان دا کو سوپاسیێ ناکەن و جزایێ زەلامینیێ نزانن.»
د ڕاسەیێدا ئەڤان گوتنان چ ئاستێ زانستی نینە، ئەگەر ب هویرری سەحکەینە بانگەوازییا پێغەمبەر مووسای (علیە سلام) ، دێ بۆ مە دیار بیت کو وی چ سڤکاتی ب فیرعەونی ب خۆ نەکرییە، بەلکی ئەو بەلگەیێن هەبوونا خودێ بۆ فیرعەونی ڕوون دکەت، دبێژیتە فیرعەونی: "خودێ یێ ل پلەیەکێ کو مرۆڤ نەشێن بگەهنێ، تویێ فیرعەون ژی وەکی مە مرۆڤی، تو پتر نینی." ل دەمێ فیرعەونی نەشیای خوداوەندیا خۆ ب سەلمینیت و نەشێت بەرنبەر بەلگەیێن پێغەمبەر مووسای (علیە سلام) ب ڕاوەستیت، دەسپێدکەت ب شکاندنا و کێمکرنا پێغەمبەر مووسا.
ئەڤەژی جۆرەکێ بەربەلاڤە د سەرەدەرییا بێباوەراندا کو ل دەمێ گەنگەشێ دکەڤنە د ناڤە ئاستەنگێن بەلگایاندا، د ڤی دەمیژیدا خودانێ بەلگان پێتڤیە ڕوونکرنەکێ بۆ گوهداران بدەت و ڕاستییا خەراب کارا دیاربکەت.
ژ پەرتووکا: بونیاتنانی بیر ڕەخنەیی بۆ تازە لاوانی پێشەنگ
#ئاستانە_بادینی #Astane_Badînî