بیرا کێ ل شنیارێ دهێت؟!
بیرا کێ ل شنیارێ دهێت؟!
شنیار ئەو ژنا ستەم لێ کریی بوو کو ب دەستێ زەلامەکێ سەرخۆش و خیانەتکار یێ دویر ژ ڕەوشت و ئایینی، هاتە سوتن، ب ئازار و ل سەر تەختێ نەخۆشخانەیێ گیانێ خۆ ژدەست دا. بەلێ، نە ئێکەتیێن ژنان، نە هەڤپەیمانییەک، نە چ ژ ڕێکخڕاوێن ئافرەتان دەنگ نەکر! بەلکو هشک و ڕەق ڕوینشتن لبەر مرنا ب ئازار یا شنیارێ، کەس لدویڤ کەیسا وێ نەچوو، کەسێ داخوازا گرتنا فرۆشگەهێن ماددەیێن کوحولی و یانە و قومارخانەیان نەکر، کونسوولخانەیێن وەلاتان کو بۆ پرسا جێندەر(ڕەگەزی) و هـ ـەڤڕەگـ ـەزبـ ـازان دەست هەلداین و ئامادەنە بێنە سەر خەت و خەمگینییا خۆ دەرببرن، وان ژی چ نەکر.
باشە ئەڤە بۆچی؟ ما شنیار ژی ئافرەت نەبوو؟ مەزڵووم نەبوو؟ ب دەستێ زەڵامەکی نەهاتە کوشتن؟ ئەڤ دوو ڕووییە بۆچی؟ بەرسڤ ئەوە کۆ تاوانبار ب دلێ وان نینە! وان دڤێت خێزان و ئایین و جڤاکی تومەتبار بکەن، نەکۆ قومار و یانە و ڤەخوارنا مەیێ و لادانێن ئەخلاقی، لەوما ئەڤ حالەتە ژهەژی مەزنکرنێ نینە بۆ وان، ژ ڤێ چەندێ دیار دبیت کۆ بۆ رێکخراوێن ژنان، خۆ ئەو خوینا ئافرەتان یا ب نەحەق هاتیە ڕێتن ژی چەندین جور هەنە، هەمی خوین ل نک وان وەک ئێک نینە، تاوانبار ژی ئێک نینە!
#ئاستانە_Astana