له‌شێ ئافره‌تان ل ژێر دلۆڤانییا بێبهاكرنێدا!
له‌شێ ئافره‌تان ل ژێر دلۆڤانییا بێبهاكرنێدا!
بێبهاكرن و نمایشكرنا له‌شێ ئافره‌تێن یاریزان د به‌ریكانه‌یێن وه‌رزشیدا و بتایبه‌تی د ئۆڵومپیاتادا، مێژوویه‌كا دیر و درێژ هه‌یه. ئه‌وا كو په‌ریشانی و بێبهاكرنا وێ گه‌هاندییه ئاستێ ترسا ئافره‌تێن وه‌رزشڤان بخۆ، ئه‌و جلک و و بەرگە كو سه‌ر ئافره‌تاندا هاتییه سه‌پاندن، بتایبه‌ت د یارییه‌كا وه‌كی جومناستیكیێدا.
گه‌له‌ک ژ خاتینێن وه‌رزشڤان وه‌سا دبینن سه‌پاندنا وان جلکێن كو دڕیسن یان نیڤە ڕیسن، پێكۆلكرنه ژبۆ بێبهاكرنه‌كا سێكسییانه‌یا خاتینێن وه‌رزشڤان و ئه‌و بڤی شکلی هه‌ست ب تەناهیێ ناكه‌ن.
د پێنگاڤه‌كێدا ژبۆ ڕاوه‌ستاندنا ڤێ بێبهاكرنێ، كچێن وه‌رزشڤانێن تیما "جه‌مبازێن ئافرەتێن ئه‌ڵمانیا" د «ئۆڵۆمپیاتا تۆکیۆ»دا، مایۆیێن خۆ بۆ به‌رگه‌كێ ئێک پارچه‌یی یێ درێژ گوهوڕین كو له‌شی بته‌مامی دادپۆشیت!
ژبه‌ری چه‌ند ڕۆژه‌كان ژی تیما "ته‌پا ده‌ستییا نه‌رویجی" ڕه‌ت كرن كو (بیکینی) جلێن دوو پارچه‌یێن مه‌له‌ڤانییا ژنکان بکەنە بەر خۆ، دیف سزادانا وان! د هه‌ردوو دەماندا، وەکی ئه‌ندامێن تیما وان به‌حس لێ دكه‌ن، ئێک ئه‌گه‌ر یێ هه‌ی بۆ ڤی كارێ وان: "بێبهاكرنا ژنان و نیشاندانا له‌شێ ئافره‌تێ ب هێمایه‌كێ سێكسییێ به‌رده‌ست بۆ هه‌مییان، ڕه‌ت دكه‌ین. مافێ مه‌یه له‌شێ خۆ ڤەشێرین، ئه‌گه‌ر مه هه‌ست ب نەتەناهیێ كر و پێتڤییه ئه‌ڤ بریاره بۆ مه بهێته بجهـ ئینان، داكوو چ تشتێ بۆ مه گونجای لدیڤ حه‌زا مە بکەینە بەر خۆ بشێوه‌یه‌كێ كو ڕێگریێ ل چاڵاكییێن وه‌رزشی نه‌كه‌ت، داكوو ئه‌م خۆ ژ په‌ریشانی و بێبهاكرنێ بپارێزین."
هه‌ژی گۆتنێیە كو وه‌رزشا جه‌مبازی د ماوه‌یێ بووریدا توویشی هه‌تكبرنەکا مه‌زن بوویه ژلایێ نوژدارێ تیما ئه‌مریكی «لاری نەسار»یڤه، كو ب ١٧٥ ساڵان هاته زیندانیكرن ب تومه‌تا ده‌ست درێژییا سێكسی لسه‌ر ٣٠٠ قەهرەمان و خوانیده‌ڤانێن زانكۆیێ، د ماوه‌یێ زێده‌تر ژ ١٥ ساڵاندا!
ئه‌ڤ ده‌نگوباسه یێت دوو وه‌ڵاتێن ڕۆژئاڤایێن پێشكه‌فتینە كو لاندكا بانگه‌شه‌كارێن شارستانییه‌ته‌كا سه‌خته‌نه د وه‌ڵاتێن مه‌دا، ئه‌وێن وه‌سا هزر دكه‌ن کو ئازادییا ئافره‌تێ بتنێ د بێستاره‌یی و ڕیساتیێدایه و خۆ داپۆشینێ ب ڕێکەک ژ باشترین ڕێكێن دویربوونێ ژ بێبهاكرنا ئافره‌تێ نابینن!
ژێدەر د کۆمێنتێدایە:
https://rb.gy/b4emsh
#ئاستانە_بادینی #Astane_badînî