عەقڵییەتی لیبراڵی

دەربارەی پەرتووکەکە

زۆرجار دروشمەکانی وەک «ئازادیی ڕەها» و «یەکسانی» دەبنە تەڵەیەک بۆ کۆیلەکردنی مرۆڤ، لەژێر ناوی پێشکەوتندا. لەم کتێبەدا، بیرمەند شێخ عەبدولعەزیز تەریفی، قووڵ دەبێتەوە ناو ئەو ململانێ شاراوەیەی کە ئەمڕۆ بەرۆکی تاکی گرتووە؛ ئەویش ململانێی نێوان عەقڵی سنوورداری مرۆیی و، وەحی ئیلاهییە. نووسەر پێمان دەڵێت: «لیبراڵیزم تەنیا سیستەمێکی سیاسی نییە، بەڵکوو عەقڵییەتێکە دەیەوێت مرۆڤ لە فیترەتە پاکەکەی دابماڵێت و، بیکاتە کۆیلەی ئارەزووەکانی، ئەمانەش هەمووی لەژێر پەردەی پێشکەوتن و پیرۆزکردنی عەقڵدا. بەڵام ئایا عەقڵ بە تەنیا و بەبێ ڕووناکیی وەحی، دەتوانێت حەقیقەتەکان ببینێت و لەناو تاریکیی ماددییەتدا ون نەبێت؟!» ئەم بەرهەمە، هەڵوەشاندنەوەیەکی وردی ئەو تێڕوانینەیە کە دەیەوێت ئیسلام و دەقە شەرعییەکان بە پێوەری ڕۆژئاوا بپێوێت. کتێبێکە بۆ ڕاستکردنەوەی پێوەرەکانی بیرکردنەوە؛ هەروەها پەیامێکیشە بۆ ئەوەی تێبگەین کە تەسلیمبوون بە شەریعەت و یاساکانی خودا، تاکە ڕێگەیە بۆ ڕزگارکردنی عەقڵ لە گێژاوی چەواشەکاری.