فەلسەفە لەنێوان ئیسلام و خۆرئاوا

دەربارەی پەرتووکەکە

ئەم پەرتووکەکەمان بەسەر دوو ئاستدا دابەشکردووە: ئاستی یەکەم: هەرسێ باس و بابەت و تەوەرە سەرەکییەکەی فەلسەفە: «زانین، بوون، بەهاکان». ئاستی دووەم: شێوە مێژووییەکەی، لە پێش یۆنانەوە تاوەکوو سەردەمی هاوچەرخ. ئەمە جگە لە پێشەکییەکی تێروتەسەل بۆ ناساندنی فەلسەفە و پەیوەندی بە بابەتەکانی تری وەک: زانستی کەلام و ئیسلام و ... هەروەها خستنەڕووی قوتابخانە و فەیلەسووفە بەناوبانگەکان، هەوڵمانداوە زۆربەی تەوژم و قوتابخانە و ڕێچکە سەرەکییەکانی فەلسەفە بخەینەڕوو، هاوکات لەگەڵ فەیلەسووفە بەناوبانگ و خاوەن قوتابخانەکان، لە پاشاندا بەراوردی هەرسێ تەوەر و باس و بابەتە سەرەکییەکەی فەلسەفە: زانین، بوون، بەهاکان، بە هزری ئیسلامی و قورئان.