دواهاتەکانی گوتاری مەدەنی

دەربارەی پەرتووکەکە

چەند توانای نەپساوی گەنجانمان کە سەرەتای ڕێگایان بە زمانێکی بانگخوازانەی گەرموگوڕ دەستیپێکرد، وا ئەمڕۆکە –داخی گرانم- هەڵوێستێکی عەلمانی سوور و ڕاشکاویان وەرگرتووە و خەریکی پەکخستنی کرداریی ڕۆڵی دەقەکانن لە ژیانی گشتی، بێوچان کاردەکەن لە دژی فەتوا ئاینییەکان و تانە و تەشەردان لێیان، ڕادەکێشرێت بۆئەوەی ڕۆڵی نووسەرانی بەکرێگیراوی بەردەرگای پادشایان ببینێت، ئیدی سەنگی خۆیانیان دۆڕاند و پڕوپاگەندە و پیاهەڵدانیان خستووەتە ڕێ، ئەوجا بۆڵەبۆڵیانە لەدەست زمانی ئیمانی و بە گەمژەیی دادەنێن و هەمیشە ڕەهەندی غەیبی و پەنهانی دووردەخەنەوە لە لێکدانەوەی ڕووداوەکاندا، بەڵکوو هەندێکیان کاری گەیشتووە بەوەی بەڕاشکاوی ڕەخنەگەلی وەها دەردەبڕێت کە دوودڵییەکی قووڵ و گەورە سەبارەت بە پرسە وجوودییە گەورەکان دەنوێنێت. ئەم چینە ئیدی سەرچاوەیەتی بەڵگەیان گۆڕییەوە بە سەرچاوەیەتی ڕوخسەت و ئاسانکاریی جا لە هەر کوێیەک دەستبدات بە چاوپۆشی لەوەی کە ئایا مەبەستی خودای تێدا دێتە دی یاخود نا؟ لەو حاڵەی پێشوویانەوە کە هەڵگری خەمی پەرەپێدانی گوتاری ئیسلامی بوون، چوونەتە حاڵ و دۆخی تەنگ هەڵچنینی سیاسی بەو گوتارە.