ڕێبازە فەلسەفییە ئیلحادییە ڕۆحییەکان

دەربارەی پەرتووکەکە

ئەم پەرتووکە ئامانجی وەستانەوەیە لە بەرامبەر لافاوێکی بەخوڕی فەلسەفە و سرووت و پراکتیزە کردەییەکانی ئایینە ڕۆژهەڵاتییەکان کە ئەمڕۆ جیهانیان داگرتووە. ئەمانە بانگەواز بۆ وەرگرتنی پەیڕەوی ژیان لە کەلەپووری ئایینە ڕۆژهەڵاتییەکان و فەلسەفە بتپەرستییەکان دەکەن، بەو بیانووەی کە پراکتیزەی بێلایەنن و پەیوەندییان بە سەرچاوە ئایینییەکانیانەوە نییە. ڕاستییەکەی ئەوەیە کە سەرەنجامی ئەم پراکتیزانە زۆر مەترسیدارە؛ چونکە وردە وردە باوەڕ بە خودایەتی لە دڵی پەیڕەوکارانیان هەڵدەکێشن، بە زیادەڕۆیی لە مەزنکردنی مرۆڤ و هێزە شاراوەکانی، و بە سڕینەوەی تایبەتترین ماناکانی بەندایەتی کە بریتییە لە هەستکردنی دڵ بە پێویستیی بە خودا و پەنابردن بۆی و نزاکردن لێی؛ وەک لە باسەکانی ئەم پەرتووکەدا ڕوون دەبێتەوە. ئاگادارکردنەوە لەم فەلسەفە و سرووتانە و پراکتیزە ڕاهێنانی و چارەسەرییەکانیان، لە ڕوانگەیەکی شەرعییەوە سەرچاوە دەگرێت کە لەسەر بنەمای ئایینی و بنەمای بیروباوەڕی دامەزراوە؛ بنەماگەلێک کە مرۆڤ ڕێک دەخەن و ئاراستەی دەکەن و لە خلیسکانەکانی ڕێگای ئەم ژیانە دەیپارێزن.