فێمینیزم لە گوتاری چارەسەرەوە تا واقیعی کێشەساز

دەربارەی پەرتووکەکە

لەم توێژینەوەیەدا بەدواداچوون کراوە بۆ قوتابخانەی فێمینیزم، هەوڵ دراوە لە زمانی فێمینیستەکانەوە فێمینیزم بناسێنرێت و بزانرێت ئایا هەر بەڕاستی ئەم گرووپە هەوڵی بەدەستهێنانی مافی ئافرەت دەدات و، ئایا بەدەستیان هێناوە؟! ئایا هەموو فێمینیستەکان یەک بیرکردنەوەیان هەیە؟ هەروەها هەوڵ دراوە بزانرێت کە یەک داواکارییان هەیە یان داواکارییان جیایە؟ ئایا بەڕاستی فێمینیزم داکۆکیکاری مافی ئافرەتە یان تەنیا بانگەشەیەکە؟ دژی فیترەتی مرۆڤە یان لەگەڵیدا یەکانگیرە؟ ئایا هەموو ئافرەتێک ئەم بزووتنەوەیەی قبووڵە، یان ئافرەتانێک دژایەتی دەکەن؟ ئەسڵەن فێمینیستەکان لەنێو خۆیاندا یەکترییان بەلاوە پەسەندە؟ چەند جۆرن؟ لە چ سەردەمێکدا دروست بوون؟ کێ نوێنەر و پێشەوایانە؟ ئەی گەیشتوون بە ئامانجەکەیان و مافی ئافرەتیان بەدەست هێناوە؟