شوێنپێی ئەوان هەڵ بگرن!

دەربارەی پەرتووکەکە

ئەگەر دەتەوێت چەشنی هاوەڵان بە قورئان کاریگەر ببیت ئەوا بڕیارێکی ئازایانە بدە. ئەویش ئەوەیە لە نێوان گوێڕایەڵیکردن و سەرپێچیکردنی پەروەردگار سەرپێچی کردنی هەڵنەبژێریت، بەڵکوو هەردەم گوێڕایەڵبوون تاکە بژاردەت بێت. ئەم بڕیارە قورسە، بەڵام زۆر بۆت ئاسان دەبێتەوە کاتێک متمانەت بە دانایی و میهری پەروەردگارت هەبوو، چونکە هیچ فەرمانێکت پێ ناکات ئیللا ژیانەوەتی تێدایە، سوودی بۆت هەیە و ئاسانکاری و نەرمی نواندنە بەرانبەرت لە دونیا و ڕۆژی دواییدا: ﴿يُرِيدُ ٱللَّهُ أَن يُخَفِّفَ عَنكُمْ ۚ وَخُلِقَ ٱلْإِنسَٰنُ ضَعِيفًا (٢٨)﴾ [النساء - 28] واتە: «خوا ده‌یه‌وێت -به‌م به‌رنامه و ڕێبازانه‌- بارتان سووک بکات و کار ئاسانیتان بۆ بکات، -چونکه‌- ئاده‌میزاد به لاوازی دروست کراوه -له بەرانبەر ئاره‌زووه‌کانییە‌وه خۆڕاگر نییە‌-».