قەڵغانەکان

دەربارەی پەرتووکەکە

لە مێژووى مرۆڤایەتیدا، جەنگەکان بەشێکى دیار و بەرچاویان داگیرکردووەو پشکێکى گەورەى ئەو مێژووەیان بۆ خۆیان پچڕیوە، جەنگیش لەسەر دوو پایەى بنەڕەتیى وەستاوە: هێرش و بەرگریى، مرۆڤ لە هەردوو بارەکەدا پێویستیى بەپێناوەکانى جەنگ هەیە، بۆ هێرشبردن کۆمەڵێک چەکى بەکارهێناوەو بۆ بەرگریکردنیش کۆمەڵێک چەکى دى، دەبینین جەنگەکانیش تەنها لە جەنگى شمشێر و تیر و ڕم و چەکى ئاگریندا سنووردار نەبون، بەڵکو چەند مەیدانى دیکەى ململانێ هەن، هەندێ جار پێناوەکانى جەنگەکە زمان و پێنووسن، هەتا ئێستایش وەك هێرشێک بۆ سەر ئیسلام، گومانەکان بەرامبەر بە قورئان و پێغەمبەرى ئیسلام و شەریعەتى خوا دەوروژێنرێن، ئەم شەپۆلانەى ئەمڕۆش کە هەن، کشانێکى نوێى ئەو جەنگە گوفتاریانەن کە هەرکەس بە قەڵغان خۆى بپارێزێت لێیان، رزگارى بووە، هەرکەسیش قەڵغانەکەى ورد و چڕ نەچنیبێت، تیرێک بەر قەڵغانەکەى دەکەوێت و لە درز و کەلێنێکەوە، قەڵغانەکە دەبڕێت و کەسەکە دەپێکێت.