ململانێی دەق

دەربارەی پەرتووکەکە

لە سەردەمی ئێمەدا قسەکردن لە ڕوونکردنەوەی حوکمەکان و تێگەیشتن لە دەقەکان و داڕشتنی بنەماکان، چیتر تەنیا تایبەت نییە بە زانایانی موجتەهید؛ بەڵکوو بووەتە مەیدانی کێشمەکێش و ناکۆکیی هەموو ڕەوتەکان بە هەڵوێستە جیاوازەکانیانەوە. تەنانەت ئەو ڕەوتانەش کە لە هەمووان زیاتر دژی مەرجەعییەتی وەحین، هەستیان بە ناوەندێتیی ئەم دەق و حوکمانە کردووە لە هۆشیاریی خەڵکدا و زانیویانە کە ڕووبەڕووبوونەوەی ڕاستەوخۆی دەقەکان لەگەڵ جەماوەری موسڵمانان تووشی تەنگژەیان دەکات؛ بۆیە دەستیان کردووە بە داڕشتنەوەی بۆچوونەکانیان بە جۆرێک کە بە ڕواڵەت لەگەڵ دەقەکاندا بگونجێت. ئەم ململانێ چەمکییە گەورەیە وا دەخوازێت بایەخ بدرێت بە خستنەڕووی پەیڕەوی بابەتییانە لە تێگەیشتنی دەقەکان و ناسینی حوکم و بنەما گشتییە شەرعییەکان؛ تا ببێتە تەرازوویەکی زانستیی دادپەروەرانە لەم ململانێیەدا، سنوورێکی ڕوون و جیاکەرەوە بکێشێت بۆ ئەو مەیدانە فراوانەی ئیجتیهاد کە بەڵگەکانی شەرع جێگەی تێدا دەکەنەوە، و بیپارێزێت لەو ڕێگایانەی شێواندن و تەئویل کە گەمە بە چەمک و حوکمە شەرعییەکان دەکەن.