خاتوون بۆ تۆ دەدوێم

دەربارەی پەرتووکەکە

خوشکەکەم تەنها یەک سات هەیە بۆ ئێمەی ئافرەتان چاو لە خۆرئاوا بکەین، چاو لەو ژیارە بکەین کە تێیدا ئازادی و ڕزگاری تەنها یەک واتای هەیە ئەویش ناپۆشتەییە بۆ تێرکردنی هەوەس و چاوی نێرە بێ ئایین و بێ مۆڕاڵەکانە، ئەو ساتەش کاتێک دروست دەبێت کە ئێمە بێ ئاگابین لە ئیسلامەکەمان، لە ژیانمانەی پاکی پێغەمبەرمان (ﷺ) وهاوەڵان و ئافرەتە چاکەکانی ئوممەت، ئەو ئیسلامەی داماندەپۆشێت بۆ ئەوەی دەست و چاوی برسیی ناپاکمان لێدووربێت، ئەگەر زانا و هۆشیاربین و خاوەنپڕۆژەی بەسوودبین، چاو لە دایکانی باوەڕدارانمان بکەین، هەرگیز ئەم گەنجینە بەنرخە ناگۆڕینەوە بەو خراپە بێبایەخەی ئەوان. لەم پەرتووکەدا چەندان پڕۆژەم بۆ پێشنیارکردوویت کە سوودی بۆ خۆت و بۆ ئوممەتە بریندارەکەمان هەبێت، تا بزانیت تۆی ئافرەت گرنگیت بۆ تیمارکردنی برینەکانمان.