ناسیۆنالیزمی گەل پەرست

٭ ناسیۆنالیزمی: لیباسێکی لەبساوییە.

٭ گزەو فشەو لاساییە.

٭ لای عوقەلا لەو بێ و لەم بێ هەوبێ و نەوبێ هەر مرۆڤەو یاساییە.

٭ لای عومەلا تۆ لیبڕالی لەوڕێگەدا خەڵکیش کوژی یا خۆت کوژی ئاساییە.

٭ بەلای ئەوان نیشتیمانيان یەک پارچەیەو یەک پۆشاکە.

٭ هەرکەس پۆشتی یان پەرستی زۆر دەسرۆکەو زۆر شیرپاکە.

٭ بادزیش بێ یان دەڵەچە هەر دەس پاکەو هەر داکۆکە.

٭ زەنیمیش بێ، نیشتیمان بۆی هەم دایکیشەو هەم وەک باوکە.

٭ ئێوە بڵێن نەتەوەیی هەتاسەرە یان کاتییە.

٭ بۆ نیشتیمانە شەڕەکە یان بۆ حیزب و سیاسییە.

٭ فاشيزمييە شۆڤێنییە ئەجیرێکی مستەرێکی ئەوروپییە.

٭ یان شوێنکەوتەی شۆڕشەکەی شێخ عبیداللەی نەهرییه.

٭ لەم سەردەمە بۆلەدەمە؟ هی نالییە هی موکرییە هی پیرەمێردە مەحوییە.

٭ ئەم دەم دەمە هی نورسییە هی قازییە هی شێخ حەفیدو موفتییە.

٭ یان فیتی میت یان پاش ماوەی شا ئیسماعیل صەفەوییە؟!

* نا ئەو نییە ئەم لەو نییە بۆدینیەتی داخی چۆڵی ڕۆژی ووتارو هەینیە!!

* کاکە چییە خۆ هین نییە ئەگەر وایە بۆچی عەرەب گشتی لەدێی لوبنانییە؟

* بابە ووسبە کەی قسەیە تۆسەی تۆسەی چەن شاخییە چەن توندڕەو ئەنانییە.

* ئەم قەومییە زۆر وانییە ڕوونتر بڵێم بەساتییە، ساتێ چاکەو وەتەنییە ساتێ خراپەو تێنتییە، یان باسەکە بۆ شیرین بوون و جوانییە، یان بۆ ڕیکلامەو فەنییە، قانونییە مەدەنییە وەسەنییە ڕۆحانییە هتد..، وەکو ووتم بەئانییە بەئانییە.

د. ئەحمەد ڕازی.

#ئاستانە_Astana