زیادوبڕی لە ئینجیلدا!

مەسیحییەکانی ئەم سەردەمە زۆر جار دەڵێن: "کێ، چۆن و کەی پەڕتووکی پیرۆز دەستکاری کراوە؟ لە چ شوێنێک، چ کەسێک و چ کاتێک ئەم کردارە کراوە؟" ئەمە لە خۆیدا پرسیارێکی فەلسەفەییە وەک بنچینەیەک بۆ لێکۆڵینەوەکانیان، ئێمەش هەمان پرسیار دەکەین لە سەردەمی ئێستادا: "چ کەسانێک و لە چ شوێنێک و چ کاتێک؛ دەقە کوردییەکانی نێو ئینجیل وشەسازی، یان کورتکردنەوەیان بۆ کراوە؟"

"ئەم جۆرە بە نوێژ نەبێت دەرناکرێت."

عيسی فرمود: "اين نوع روح ناپاک جز با دعا بيرون نمی‌رود."

فَأَجَابَ: "هَذَا النَّوْعُ لَا يُطْرَدُ بِشَيْءٍ إِلّا بِالصَّلاةِ وَالصَّوْمِ!"

مەرقۆس: بەشی: ٩، دەقی: ٢٩

ئەگەر سەیری ئەم دەقە بکەین لەنێو ئینجیلی مەرقۆس، دەبینین تەنیا باسی نوێژ دەکات بۆ دەرکردنی ڕۆحی خراپ، بەڵام هەمان دەق لە وەرگێڕانەکانی تر باس لە نوێژ و ڕۆژوو دەکات بۆ ئەنجامدانی دەرکردنی ڕۆحی خراپ لە جەستەی کەسێکدا. جیاوازی نێوان وەرگێڕان لەنێو زمانەکان کەوا بۆ پەڕتووکی پیرۆز و چوار ئینجیلدا کراوە، گەلێک زۆرە تەنانەت لە زمانی عەرەبیدا بە جیاواز وەرگێڕان بۆ وشە کراوە.

"هَذَا النَّوْعُ لَا يُطْرَدُ بِشَيْءٍ إِلّا بِالصَّلاةِ وَالصَّوْمِ." واتە: "ئەم جۆرە دەرناکرێت بە هیچ، تەنها بە نوێژ و ڕۆژوو نەبێت."

"هذَا الْجِنْسُ لاَ يُمْكِنُ أَنْ يَخْرُجَ بِشَيْءٍ إِلاَّ بِالصَّلاَةِ وَالصَّوْمِ." واتە: "ئەم ڕەگەزەی ناتواندرێت دەربهێنرێت، تەنیا بە نوێژ و ڕۆژوو نەبێت."

بەڵام هەمان وەرگێڕان کەوا لە زمانی کوردی بۆی کراوە بەم چەشنەیە: "ئەم جۆرە بە نوێژ نەبێت دەرناکرێت" مەرقۆس: بەشی ٩، دەقی: ٢٩

بەڵام ئەی کوا باسی ڕۆژوو؟ بۆچی ئەم وشەیە لەم وەرگێڕانە سڕدراوەتەوە؟ لە زمانی کوردی تەنیا وشەی «ڕۆژوو» نەماوە، بەڵام لە وەرگێڕانی فارسیدا وشەی نوێژ و ڕۆژوو گۆڕدراوە بە «نزا = دوعا»:

"اين نوع روح ناپاک جز با دعا بيرون نمی‌رود."

مرقوس: قسمت: ٩، دق: ٢۹

جیاوازی نێوان ئەم دوو بڕگەیە کەوا هەردووکیان لەیەک زمانەوە وەرگیراوە چەندە زۆرە!

فَقَالَ لَهُمْ: "هذَا الْجِنْسُ لاَ يُمْكِنُ أَنْ يَخْرُجَ بِشَيْءٍ إِلاَّ بِالصَّلاَةِ وَالصَّوْمِ." مرقس: ٩:۲۹

نووسینی: توانا کەمال

- سێ وەرگێڕانی سەرەوە لە ئەپلیکەیشنی پەڕتووکەکەم وەرگیراوە.

- کۆتا دەقی عەرەبیش لە ئەپلیکەیشنی (مركز دراسات الكتاب المقدس) وەرگیراوە

#ئاستانە_Astana