نەژادەکێ نەپەسەند ل دەڤ مەسیحییان

نەژادەکێ نەپەسەند ل دەڤ مەسیحییان

ل دەف مەسیحییان؛ مەسیح خودێیە، بەلێ پا ژ دایک بوو! بەلێ، ئەوانا باوەری یا هەی کو خودێ ژ دایک دبیتن، دوویر ژ  گەنگەشێ هندێ کو د چ ئاییناندا درست نینە خودێ ژ دایک ببیتن و پێتڤییە خودێ یێ ئەزەلی وجوودی بیتن، دوویر ژ گەنگەشێ، چەوا خودێ دناڤ ڕەحما  ئافرەتێ و دناڤ خوین و لەشێ ئافرەتێ گەشێ و لڤینێ دکەتن. 

 دوویر ژ هەمی لوجیک و مەنتقا کو باوەرییا مەسیحی تێدا یا خالییە ب هندێ کو مەسیح یێ کرییە خودێ و پەرستنا ویژی دهێتە کرن، دوویر ژ هەمی سەیر و سەمەران، ژ ڤێ ژی سەیرتر یا لسەر مەسیحی بریاردای؛ بریارا وێ چەندێ کو مەسیحی نەژاد یێ هەی. بەلێ، وەکی باقیێ مروڤان باب و باپیر و هۆزا هەی.

 تنێ سەرسورمانی د هندێدا نینە کو خودێی دوویندەها هەی و یێ ژدایک بوی، سەرسورمانی یا د هندێدا کو ئەو عاشقێ تشتێن هەڤدژی ئێکن. د باوەریا واندا حەزدکەن تشت هەڤدژی ئێکبن؛ مەسیح کورە و مەسیح بابە. مەسیح مرۆڤە و مەسیح خودێیە، مەسیح خودێیەکێ تاک و بتنێیە، مەسیح خودێیێ سێکییە.

 د دروستکرنا دوویندەهێ ژی هەروەسان دووبارە هەڤدژی یا هەی، مەسیح بێی باب یێ ژ دایکبووی،  بەلێ پا مەسیح خودان دوویندەهە. دا هنگۆ زێدەتر بەرەڤ کنارێ دیناتیێ نەبەین. لدەف وان مەیسحی دوویندەهـ یێ هەی، بەلێ پا نەژادەکێ کرێت و نەژهەژی.

د دوو ئنجیلا بەحسی دوویندەها  مەسیحی یا هاتییە کرن: د ئنجیلا «مەتتا» و د ئنجیلا «لۆقا»دا.
هەردووک ئنجیلا دوو لیستێن ژێک جوودا بو مەسیحی دارشتینە کو ئەڤە باب و باپیرێن مەسیحینە. هەردوو ئنجیلان هەڤدژی ئێک لیستا داڕشتی، هەر ئێکی ب دل و حەزا خۆ ناڤێ باب و باپیرێ مەسیحی نڤێساینە. د ئێک خال ئەڤ دوو ئنجیلە هەڤبەشن و ئێک دەنگن و هەڤدژی ئێک نا ئاخڤن ئەوژی ئەوە کو مەسیحی د دوویندەها وی چار داپیرێن زناکەر و بێرەوشت یێ هەی.

ئنجیلا مەتتا بەحسی دوویندەها  مەسیحی دکەتن و دبێژیت:
- بنچینا عیسای:
¹ "ئەڤە دوویندەها عیسایێ مەسیحە، کورێ داود، کورێ ئیبراهیم"

²"ئیبراهیم بابێ ئیسحاقی بوو،
ئیسحاق بابێ یەعقوبی بوو،
یەعقوب بابێ یەهودای و برایێن وی بوو."

³ "یەهودا بابێ پێڕێز و زەرەحی بوو کوو تامار دایکا وانا بوو،
پێرێز بابێ حەسرۆنی بوو،
حەسرۆن بابێ ڕامی بوو."

⁴ "ڕام بابێ عەمینادابی بوو،
عەمیناداب بابێ نەحشۆنی بوو،
نەحشۆن بابێ سەلمۆنی بوو."  

⁵ "سەلمۆن بابێ بۆعەزیبوو کو ڕاحاب دایکا وی بوو،
بۆعەز بابێ عوبێدی بوو کو ڕائووس دایکا وی بوو،
عوبێد بابێ یەسای بوو."

⁶ "یەسا بابێ داودێ پاشا بوو،
داود بابێ سلێمانی بوو ژ وێ ژنا کو بەری هنگی هەڤژینا ئوریای بوو."

⁷ "سلێمان بابێ ڕەحەڤەعامی بوو،
رەحەڤەعام بابێ ئەبیای بوو،
ئەبیا بابێ ئاسای بوو."

⁸ " ئاسا بابێ یەهۆشافاتی بوو،
یەهۆشافات بابێ یەهۆرامی بوو،
یەهۆرام بابێ عوزیای بوو."

⁹ "عوزیا بابێ یۆتامی بوو،
یۆتام بابێ ئاحازی بوو،
ئاحاز بابێ حەزقیای بوو."

¹⁰ "حەزقیا بابێ مەنەشەی بوو،
مەنەشە بابێ ئامۆنی بوو،
ئامۆن بابێ یۆشیای بوو."

¹¹"یۆشیا بابێ یەهۆیاکین و برایێن وی بوو، لدەمێ ڕامالین بۆ بابلێ."

¹² "پشتی ڕامالینێ بۆ بابلێ،
یەهۆیاکین بابێ شەئەلتیێلی بوو،
شەئەتیێل بابێ زروبابلی بوو."

¹³ "زروبابل بابێ ئەبیهودی بوو،
ئەبیهود بابێ ئەلیاقیمی بوو،
ئەلیاقیم بابێ ئازوری بوو."

¹⁴ "ئازور بابێ سادۆقی بوو،
سادۆق بابێ ئەکیمی بوو،
ئەکیم بابێ ئەلیهودی بوو."

¹⁵ "ئەلیهود بابێ ئەلعازاری بوو،
ئەلعازار بابێ مەتانی بوو،
مەتان بابێ یەعقوبی بوو."

¹⁶ "یەعقوب بابێ یوسفێ هەڤژینێ مریەمێ بوو، ئەوا عیسا ژێ بوی، کو ب مەسیح دهێتە ناڤبرن."

¹⁷ "بڤی شێوەیی هەمی نەڤی ژ ئیبراهیمی هەتاکو داودی چاردە نەڤینە، ژ داودی هەتا رامالینێ بۆ بابلێ چاردە نەڤینە، ژ رامالینێ ژی بۆ بابلێ هەتا مەسیحی چاردە نەڤینە."

ئەگەر ب هویری سەحبکەینە ئەڤی دوویندەهی،  دێ بینین ناڤێ چار ئافرەتا یێ ئینای کو ئەوژی ئەڤەنە «تامار، راحاب، راعوس، خێزانا ئوریایێ حسی»
ئەڤ چار ئافرەتە نەکو ژلایێ  نەحەزێن مەسیحیەتێ و دوژمنێن وێ، بەلکوو هەر د پەرتووکا پیرۆز بخۆدا، ئافرەتێن زناکەر و دەهمەنپیس و لەشفروش بوونە.

ئێکەم/ تامار
چیروکا وێ د سفرا تەکوینا ئیصحاحا ٣٨ ێدا یا هاتییە بەحسکرن، کو زنا یا دگەل پێغەمبەر یەهوزای کری، کو دهەمان دەمدا خەزیرێ تامارێ بوو.

دووەم/ راحاب
ئەڤەژی د سفرا یشوع ئیصحاحا دوویێدا یا هاتییە بەحسکرن، ئافرەتەکا زناکەر و لەشفروش بوویە ل باژێرێ ئەریحا، دوو جاسوس پەنادانە بڤێ چەندێ ژی چوویە ناڤ مێژوویا جوهییان، بویە ئافرەتەکا قەهرەمان بو گەلێ جوهییان.

سێیەم/ راعوس
چیروکا ڤێ ب درێژی د سفرا تماما پەرتووکا پیروزدا هاتییە بەحسکرن،
سفر ژی بناڤێ سفرا راعوسە بەحس ژ ڤێ ئافرەتێ دکەتن کو ب کارێ فێلبازی و نەفس بازیێ لدویف مێرکرنێدا دگەڕیێت.

چارەم/ خێزانا ئوریایێ حسی
د سفرا سەمۆئیل، دوەوم ئیسحاحا یازدێ بەحس ژێ هاتییەکرن کو زنا یا د گەل داود پێغەمبەری کری.

ئانکو ئەو مەسیحی و جووهیێن نوکە ئاهەنگ و جەژنا ژدایکبوونا مەسیحی دگێرن، هەر ئەوان ئەو دوویندەها  نەپەسەند و نەدرست یا دایە پال ئەڤی پێغەمبەرێ پاقژ.

#ئاستانە_Astana
#خودێ_ژدایک_نابت