چەوا گفتوگۆیێ و دانوستاندنێ دگەل خودان پەرتووکێن ئەسمانی بکەین؟!
چەوا گفتوگۆیێ و دانوستاندنێ دگەل خودان پەرتووکێن ئەسمانی بکەین؟!
{بسم الله الرحمن الرحیم}
( وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ ۖ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَٰهُنَا وَإِلَٰهُكُمْ وَاحِدٌ وَنَحْنُ لَهُ مُسْلِمُونَ ) العَنكبوت ٤٦.
ئانکۆ: «و ب ڕه‌نگێ باشتر و گۆتنه‌كا ژ هەمیان جوانتر نه‌بت هوين ـ‌گه‌لی خودان باوه‌ران‌ـ دان وستاندنێ د گه‌ل خودان پەرتووکێن ئاسمانی نه‌كه‌ن، ئه‌و تێ نه‌بن يێن به‌رێ خۆ ژ حه‌قییێ وه‌رگێڕاى و ڕكدارى كرى و خۆ مه‌زن كرى و ستەم ژ نەفسا خۆ کری ـ‌دڤێت ڕەفتارا هنگۆ دگەل وان یا جیاوازبیت‌ـ بێژنە وانژی: خودايێ مه و خودايێ هه‌وه ئێكه و وى چو هه‌ڤپشك د خۆيينى و ناڤ و سالۆخه‌تان دا نينن، ومه خۆ ته‌سليمى ئه‌مر و فه‌رمانا وى كرییه.»
دەمێ خودێ دەربارێ خودان پەرتووکێن ئاسمانی دانوستاندنێ دگەل مە دکەت، مەبەست ژ وان کەسان «جوهی» و «فەلەنە».
بۆچی یا پێدڤییە ب دانایی و زانین دانوستاندنێ دگەل بکەین؟
چونکی توو وەک کەسەکێ موسلمان بەرییا هەمی تشتەکی دزانی کو خودێ پێغەمبەر و پەیام یێت بۆ هنارتین.
تە وەکی موسولمانەک باوەڕی ب پێغەمبەر و پەرتوکێت وان ئیناینە. هەروەکی خودایێ مەزن د قورئانا پیرۆزدا د سورەتا بەقەرە، ئایەتا: ۲٨٥ێدا دبێژیت: {آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ ۚ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِّن رُّسُلِهِ ۚ وَقَالُوا سَمِعْنَا وَأَطَعْنَا ۖ غُفْرَانَكَ رَبَّنَا وَإِلَيْكَ الْمَصِيرُ}
ئانکۆ: «پێغه‌مبه‌رى و باوه‌رداران باوەری ب وێ ئينايه يا بۆ وى ب وه‌حى ژ نك خودايێ وی هاتییە خارێ، هەروەسا خودان باوه‌ران هەمیان ژى باوه‌رى ب خودێ و مەلائیکەتێن وی و پەرتووکێن وی و پێغەمبەرێ وی ئينايه و چ جوداهیێ ناکەن دناڤبەرا پێغەمبەرەکی ژ پێغەمبەرێن خودێ ـ‌د باوەریێدا‌ـ ، پێغه‌مبه‌رى و خودان باوه‌ران گۆت: خودايێ مه، مه گوهـ ل وێ بوو يا ته ب وه‌حى هنارتى و مه گوهدارییا وێ هه‌مییێ كر، خودایێ مە مه هيڤییه ل مه ببۆرى و دوماهیکێ زڤڕينا مه هەر ژ بۆ نك ته ب تنێیه.»
ژ بەر ڤێ ڕێزێ، خودایێ مەزن داخازێ ژ مە دکەت دانا و زانا بیت د دانوستاندنێ د گەل وانا، ب ڤێ ڕێکێ بەلکی باوەڕیێ ب وێ پەیامێ بهینن یا کو توو بانگەوازیێ بۆ دکەی.
هەروەکی خودایێ مەزن دەرحەقا فیرعەونی ب پێغەمبەر موسای (علیه السلام) د سۆڕەتا (طه) ئایەتا ٤٤ێدا دبێژیت:{فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَىٰ}،
ئانکۆ: «ڤێجا هوين هەردووک گۆتنه‌كا نه‌رم و نازك بێژنێ و دانوستاندنێ د گەل بکەن، دا به‌لكى بيرا خۆ ل خودايێ خۆ بينته‌ڤه، يانژى ترسا ـ‌سزایا مە‌ـ ددەروونێ ویدا جهێ خۆ بگریت.»
گەلەک ژوان کەسێت دانوستاندنێ دگەل کەسێت بێباوەر یان فەلەیان دکەن، وەکی بێژی خۆ بۆ شەڕێ بوکسان ئامادە دکەن، هەمی هەولێت خۆ د ئێخنە کار بۆ ئێخستنا کەسێ بەرامبەر و سەرکەفتنێ ب سەر وی، بەلکی پێتڤییە مەرەما مە یا سەرەکی لڤی کاری ڕازیکرنا خودایێ مەزن بیت، نەک خۆ دەرئێخستنامە ژ وی ڕەخێ کو مە زانیاریێت زۆر یێن هەلگرتین.
خودایێ مەزن هەر دهەمان ئایەتا سورەتا عەنکەبوت دبێژیت: {إِلَّا الَّذِينَ ظَلَمُوا مِنْهُمْ}.
ئانکۆ : «ئەو تێ نه‌بن يێن ستەم ژ نەفسا خۆ کری و به‌رێ خۆ ژ حه‌قییێ وه‌رگێڕاى و شەڕ و پلانان دادڕێژن» ئەو کینە؟ ئەوێت ستەم کری و ستەم ژکێ کرییە؟ ژ نەفسا خۆ، ئەوێت بۆ خودایێ خۆ هەڤپشک هەلبژارتی و گۆتی خودێی کوڕ یێ هەی.
{لَّقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ ۘ }المَائدة : ۷۳
ئانکۆ: «سیند بیت، ب ڕاستى ئه‌و كافر بوون ئه‌وێن گۆتين: هندى خودێیە ئێکە ژ وان سێ خودێیان».
{لَّقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ}، (المائدة )۱۷ .
ئانکۆ: «سیند بیت، ب ڕاستی ئەو فەلە کافربوون ئەوێن گۆتین: ب ڕاستی خودێ، هەر مەسیحێ کوڕێ مەریەمێیە.»
{وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ۖ } التوبَة: ۳۰
ئانکۆ: «ب ڕاستى جوهییان هەڤپشک بۆ خودێ دانا دەمێ وان گۆتی: هندى عوزه‌يره كوڕێ خودێیه، و فه‌لان ژی هەڤپشک بۆ خودێ دانا ده‌مێ گۆتى: مه‌سيح كوڕێ خودێیه.»
بابەتێ گازیێ د ڤی دەمێ نووکەدا، گرانییەکا زۆر ل سەر کەسێ بانگخاز یان کەسێ خودان پەیام یا هەلگرتی.
کەسێ بانگخواز چ لسەر پێدڤییە؟
۱. شەهرەزایی هەبیت لسەر دینێ خۆ، حەتا نەکەڤیتە دبن پرسیارێت گومان لسەر هەی.
۲. خودان ڕەوشتەکێ بلند: مرۆڤی بەری ئاخفتنێ د دەتە نیاسین، ئەڤەژی سیفەتێ پێغەمبەرییە (ﷺ)، کو خودێ دەرحەقێ وی دبێژیت: {وَإِنَّكَ لَعَلَىٰ خُلُقٍ عَظِيمٍ}، [القلم: ٤].
ئانکۆ:«ب ڕاستی هندی توی یێ ل سەر ڕەوشتەکێ زۆر جوان و مەزن.»
٣ . پێدڤییە کەسێ بانگخواز مفای ژ تەکنەلۆجیایا هەڤچەرخ وەربگریت، ب تایبەتی تۆڕێت جڤاکی کو جڤاک یێ پێڤە هاتییە گرێدان، چونکی باشترین ڕێکا گەهشتنا پەیامێیە ب زێدەتر ژ نیڤا ئاکنجیێن ئەردی.
٤ ــ پێتڤییە کەسێ بانگخواز شەهرەزایی هەبیت ل زمانزانیێ، ب لایەنێ کێمیێ ژ بلی زمانێ دایکێ، ب زمانەکێ دی شیانا دانوستاندنێ هەبیت.
کورتییا گۆتارا مە ئەوە: بێی زانست و زانیاری یا گونجایی و دروست نینە دانوستاندنێ دگەل خودانێت پەرتووکێ ئەسمانی (أهل الکتاب)، ب تایبەت ئەوێت شەهرەزایێ ئایینێ خۆنە، چونکی ب درێژاهییا مێژوویێ هەولا گۆهڕینا دەقێن ناڤ پەرتووکێن خۆ ددەن، ژ پێخەمەت بەرژەوەندییا خۆ ب هەر ڕەنگەکێ ئەو حەزبکەن، هەر ژبەر هندێ بێی هەبوونا زانیارییا لسەر دەق ب دەقێت ئایینێ وان، دانوستاندن دگەلدا یا باش نینە.
نڤیسینا: توانا کەمال
#ئاستانە_Astane
#ئاستانە_بادینی
#Astane_badînî
#دانوستاندن
#خودانێن_پەرتووکێ_ئەسمانی
#جوهی
#فەلە