سالڤەگەڕا بەربارانکرنا دوعایێ!

سالڤەگەڕا بەربارانکرنا دوعایێ!

سالا 2007 زاینییه‌، ڕۆژا حەفتێ نیسانێ به‌هارا باژێڕێ  به‌عشیقێییە، ئەڤڕۆ‌ نه‌ چیچک چیڤەچیڤێ دکەن، نه‌ بایێ شەمالێ فێنك و هین ده‌ست ل ملێ بشکۆژێن تازه‌ بشکفتیێن داران دکەن، نە تیشکا ڕۆژێ سلاڤا ل کەژ و چیایان دکەت، بەلکی دوو هزار ئەهریمەنان فریشتەک یا کەفتییە بەردەستا و پەڕوبالێ پەپولەکا بەهارێ لبن پێیێن خۆ داناییە، ب بەر و بلوک و ب کەرب و کینا ئەهریمەنێ خۆ وێ زیندی دکەنە بن ئاخێ و بەرا و وێ زیندی کوژ دکەن.

ئەڤە چیڕۆکا «دوعایێ» بوو؛ «دوعا» کچەکا ئێزدییا موسولمان بووی بوو، ل باژێڕێ بەعشیقێ هاتە بەربارانکرن و  ب زیندی بن ئاخکرن، پاشیکێ تەرمێ وێ ل کۆلیتەیێ سەیێ سەر جادێ هاتە بجهـ هێلان، تنێ ژبەرکوو «دوعا» موسلمان بوو، نە ڕاگەهاندنا کوردی ڕۆندک بۆ ڕێشتن، نەژی ڕێکخراوێن ژنان سینگێ خۆ بۆ قوتا و دڕاند، نەژی کۆمەلگەها نێڤدەولەتی کرە سیمبولا ستەم و زۆریێ و تەپەسەرکرن و کوشتنا ژنان.
خۆ هەگەر بەروڤاژی با! «دوعا» موسلمانەک با یان  هەر ئایینەکێ دی با، بلا مشک پەرست ژی با، پاشی  موسولمانەکی ڕەخنە ژێ گرتبا و یانژی هیرە بەرەک لێ دابا، ئەو دا قیامەتەکێ بۆ موسلمانان دانن، هەتا هاتنا قیامەتێ ژی دا ڕەوشەنبیرۆک و زمان درێژێن سەر لاپەڕێن زەر دا قەسێن نەشرین و کرێت بێژنە موسلمانان. 
خودایێ مەزن «دوعایێ» ب بەحەشتێ شاد بکەت، بەحەشتا بەرفرەهـ بکەتە جهێ وێ فریشتەیا جوان سیمبولا ستەم و زۆریێ و تەپەسەرکرنا موسولمان بوویێن ڤی سەردەمی.

#ئاستانە_astana 
#دووڕووییا_ڕێکخراوێن_ژنان
#دووڕووییا_ڕاگەهاندنێ
#دووڕووییا_کۆمەلگەها_نێڤدەولەتی
#کەفتنا_ماسکان 
#سالڤەگەڕا_بەربارانکرنا_دوعایێ