د ژێدەرێن مەسیحییاندا، ڕوژا ژ دایکبوونا مەسیحی، هەلکەفتەکا پەیکەر پەرێسانە!

د ژێدەرێن مەسیحییاندا، ڕوژا ژ دایکبوونا مەسیحی، هەلکەفتەکا پەیکەر پەرێسانە!

ئەگەر ل هەمی پەرتووکا پیروز بگەری پیت پیت و پەیڤ پەیڤ و پەر پەر، نابێژیت تە چ ڕوژ مەسیح ژ دایکبوویە، بەلێ ئەوان ڕوژا 25/12 کرییە  ڕوژا ژ دایکبوونا مەسیحی. ل ڤێرە پرسیار ئەڤەیە بوچی ئەڤ ڕوژە بوویە ڕوژا ژ دایکبوونا مەسیحی؟!

هەر  ژێدەرێن مەسیحیان ب خۆ دبێژن مە بۆ ڕازی کرنا پەیکەر پەرێسان و بێباوەران بوویە، تاکو پەیکەر پەرێس بێژن خودایێ مە وەکی خودایێت وە  ژ  دایکبوویە. دین و بیروباوەرێن مە و وە وەک ئێک و ئێک وێنەنە.

کەرەمکەن دگەل ژێدەرێن مەسیحیان چەوا دبێژن کو ژبەر ڤی ئەگەری ئەڤ مێژوویە بوویە مێژووا  ڕوژا ژ دایکبوونا مەسیحی.

ئێک: (معجم الایمان المسیحي الیوسوعي، الاب صبحي حموي پەرێ 479 لبن بەندا کریسمس)
دبێژت: "جەژنا ژ دایکبوونا مەسیحی، پتری ل 25/12  ئاهەنگێ بو دگێرن، ئەڤ جەژنە ل ڕوما سەرهلدایە دەوربەرێن سالێن 330 زاینی تاکو ببیتە جێگرا جەژنا ڕوژا سەرکەفتی وەسەنی کۆ پەیکەر پەرێسان ئاهەنگ بۆ ڤێ یادێ د ڤێ بەروارێدا  دگێران.

دوو: (الدیانە المصریە القدیمە نڤێسەر یوغسلاف چێرلس پەر 206) دبێژت: "هەلبژارتنا ڕوژا 25/12 وەک ڕوژا ژ دایکبوونا مەسیحی و کرسمسێ بو هندێ بو داکۆ پارێزگاریێ ژ جەژنا ڕوژا کەڤن بکن، ڕوژا ژ دایکبوونا خودایێ «رەع» کو ل نک مسرییان ب ڕوژا (مسورع) بناڤودەنگ بوو.

سێ: (المسیحیون الاوائل و الامبراطوریە الرومانیە خفایا القرون نڤێسینا سین سفینسیسکایا) دبێژت ئاریشا دیارکرنا  ڕوژا ژ دایکبوونا مەسیحی هەتا نوکە ژی بێ چارەسەرییە. چاڤەرێ چارەسەریەکا بنەرەتی دکەت. سەبارەت ب مێژوویا 25/12 ژی ئەو ڕوژەک بو ئیمبراتوریەتا ڕومانی ئاهەنگا هاتنا زڤستانێ دگێرا کو ڕوژا خودایێ ڕوژا سەرکەفتی بوو، پشتی هنگێ کو ئیمبراتور قوستەنتین ئایینێ مەسیحی کر ئایینێ وەلاتی، ئەڤ ڕوژە وەک خۆ ما و بو ب ڕوژا ژ دایکبوونا مەسیحی.

ئانکۆ پشت بەستن ب ڤان هەمی ژێدەران، 25/12 ڕوژا ژ دایکبوونا مەسیحی نینە،  بەلکی ڕوژا ژ دایکبوونا خۆدایێ پەیکەر پەرێسانە و هەر پیروزباهییەک د ڤێ ڕوژێدا وەکی پیروزکرنا ڕوژا ژ دایکبوونا خودایێ پەیکەر پەرێسانە و ڕوژا ژ دایکبوونا پێغەمبەر مەسیح نینە.

#خودێ_ژدایک_نابت
#ئاستانە_Astana