هیڤیە هەر ئێکێ حەز ژ بێهنا خوینێ نەکەت ڤان دەقێت ل خوارێ نەخوینت.

هیڤیە هەر ئێکێ حەز ژ بێهنا خوینێ نەکەت ڤان دەقێت ل خوارێ نەخوینت.


ئاینێ مەسیحی، ئاینێ ئاشتی و کوترا سپیە، ئاینێ مروڤ دوستی و میهرەبانیێیە، پەیاما خوشڤیان و دروشمێ سوزداریێ یە، ئاینێ هەناسەیا ئەڤین و دلداریێ یە.

سەحکە هەر قەشەیەکی، وەکی پەيامبەرێ ئاشتیێ نمایشێ دکەت، گوهـ ل دەنگێ هەر كەنیسەیکێ دبی دبیتە بڵند بێژ بۆ خۆشتڤیاتیێ . کیش گوتار و گوتنێت وان نیشان بکەی وەکی ئاوازا فريشتەیێ نوراني دخوینت.

ئەرێ پەرتوکا پیروزا لبن دەستێ وان هەمان تەجەلایێ دکەت؟ ئەرێ تەورات و ئنجیلا وان بێهنا گۆلاڤ و نێرگزێ ژێ دهێت؟ ئەرێ دەق و گوتن و ئیسحاحێت ڤێ کتێبێ هەمی ئەڤ رویێ فریشتانە، کو بو خەلکی وێنە دکەن؟

خو ئامادەبکەن بو پیاسەیەکێ دناڤ کولانێت کتێبا پیروز دا، چاڤخشاندنەکا سەر پێ دناڤ دێرێت هەردوو پەیامان دا، کەڤن و نوی (تەورات و ئنجیل)، گۆهـ داریا پەیامبەرێت ڤان پەرتوکان بکەن دا حێبەتی ببن، بەلێ گەریان دناڤ لاپەرێت ڤێ کتێبێ دا پیاسەکرنە دناڤ کوچ و کولانێت وەلاتەکێ وێران بوی دا، ل سەردەمێ موسای هەتا دگەهیت نوکە، چونە دناڤ هەمی وان جەنگێن وێران کری دا، کو دەقێت ڤێ پەرتوکێ لپشت بین.

ئانکو دیتنا وان کابوسێت جەنگێت جەرگ بڕ ب کوشتنا زاروک و ژن وپیر و گەنج و گیانەوەر و هەمی زیندەوەران ، ڤان دەقان فەرمانروایی تێدا کریە.

گوهـ گرتن ل ئەهریمەنێت جەنگان و زەلام کوژ و ئبلیسان، هێڤیە ئەوێ حەژ ژ بێهنا خوینێ نەکەت بلا ڤان دەقان نەخوینت، ئەوێ دلێ وی لاواز بیت بلا گوهداریا ڤان دەقێت پەرتوکا پیروز نەکەت، هەر کەسەکێ حەز نەکەت دلێ وی بهێتە گڤاشتن، بلا ل ڤێرە راوەستیت و گوتارا مە تمام نەکەت.

ئەرێ تو دزانی ئێکەمین کتێب لسەر رویێ ئەردی فەرمانێ ب کوشتنا زاروکان دکەت پەرتوکا پیروزە؟

((نوکە هه‌می زاروکێت نێر بكوژن دگه‌ڵ هه‌ر ژنەکا كو دگه‌ڵ نێرەکی جووت بووی ، به‌لێ هه‌می ئه‌و كچێت دگه‌ل زەلامان جووت نه‌بووی بۆ خۆ بساخی بهێلن)) سفر العدد، إصحاح 31 : 17-18.

ئەرێ تو دزانی تاکە کتێب ئاشتیێ قەبیل نەکەت و مالا ئاشتی خازا ژی کاڤل دکەت پەرتوکا پیروزە؟
((دەمێ ل باژێرەکی نێزیك دبن ژبو هندێ دگه‌ل بجه‌نگن، گازی بكه‌ن بۆ ڕێككه‌فتنێ، ئه‌گه‌ر بۆ ئاشتبوونێ بەرسڤا هەوە دا و ده‌رگەهـ بۆ هەوە ڤەکر، ئه‌و هه‌می گه‌لێ دناڤدا بۆ وە دێ  كاری بۆ وە کەن.به‌ڵێ ئه‌گه‌ر ئاشتی نه‌ڤییا و ل دژی وەجه‌نگ راگەهاند دوورپێچ بکەن. دەمێ خودایێ هەوە ئەو جهـ دا هەوە، ب شیری هەمی زەلامان بکوژن،به‌ڵێ ئافره‌تا و زاروک و گیانەوەرێت کەهی و هه‌می تشتێت دی ئەوێن دناڤ باژێری دا ، هه‌می تالانکرن دێ بیتە دەستکەفت بو وە، ئه‌و ده‌ستكەفتێت دوژمنێت وە بکاردئینان خودایێ هەوە دانە هەوە)) سفر التثنيە : إصحاح 20 : 11-16.
ئەرێ تو دزانی تاکە کتێب فەرمان ب کوشتنا گیانەوەران دکەت ب مەرەما کاڤل کاڕیێ دکەت ، کتێبا پیروزە؟
((باژێرێ خۆ بۆ خودێ ته‌رخان كر و هه‌رچ تێدابوو ژ زەلام و ژن و زاروک و پیرا، هه‌تا گا و مه‌ڕ و گوهدرێژا ژی ب زەرباشیری قڕ كر.)) سيفرى يشوع : إصحاح 6 : 21.
ئەرێ تو دزانی تاكە کتێب خودایێ وێ نەفرەت ل ئاشتى خوازان کربیت و ئەوێن دوویر ژ شەری ، کتێبا پيرۆزە؟
((نه‌فره‌ت لێكریە ئه‌وێ ب تەنبەلی كارێ خودێ دکەت!

نه‌فره‌ت لێكریەئه‌وێ شیرێ وی ژخوینێ ب ڕاوستیت!)) سفرى إرميا إصحاح 48:  10.
ئەرێ تو دزانی تاکە کتێب فەرمانێ ب دڕاندنا زکێ ئافرەتا دووگیان دکەت ،کتێبا پیروزە؟
((خه‌ڵكێ سامیره‌ دئێنە تاوانبارکرن، چونكی ژ خودایێ خۆ یاخی بین، ب شیری دێ ئێنە کوشتن،زاروکێن وان دێ هێنە شکاندن، و زکێ ئافرەتا دووگیان دێ هێتە دڕاندن)) سفرى هوشع : إصحاحى 13 : 16.
ئەرێ تو دزانی تاکە کتێب فەرمانێ ب برینا سەرێ ئێخسیر و مروڤان دکەت کتێبا پیروزە؟
((دوژمنێت من، ئه‌وێت نه‌دڤیا پاشایه‌تییێ بو بکەم، بیننە ڤێرێ و لبەرامبەر من سەرێ وان ببڕن)) لۆقا إصحاحى 19 : 27.


ب دەهان دەق و برگێن دوویتر یێن هەین بێهنا خوین و دویکێل و مال وێرانیێ ژێ دهێت ، خوینەک لبن نینوکا هەمی گاورێت مێژویێ دهێتە دیتن.

#ڕێكخراوا_ئاستانە