شەرمزابوونا ئێكەم دژمنێ ئیسلامێ د ڤی سەردەمیدا
شەرمزابوونا ئێكەم دژمنێ ئیسلامێ د ڤی سەردەمیدا
-بەشێ ئێکێ-
دەمێ سەحدکەینە سوزو و پەیمانێن قورئانێ، سەحدکەینه ژیانناما سەروەرێ خو (ﷺ) پتر یەقین لنک مە پەیدادبیت. لڤێرێ خودایێ مەزن د قورئانێدا سوزا پاراستن و سەرئێخستنا سەروەرێ مە دایە، وەرە سەحکێ ئەو هەمی پێکۆلێت ژ ناڤبرنا ئیسلامێ و تیرۆركرنا خۆشتڤی هەمی شکەستن، دەهـ (۱۰) هزار چەكداران د سەر مەدینێدا گرت کو ئەڤە گوپیتکا هێزێ بوو دشیاندا بیت بهێتە کومکرن د وی سەردەمیدا، ئەڤجا جوهی ژی -كو هەڤپەیمانێن موسلمانا بوون- د ناڤ مەدینێدا پەیمانا خۆ شكاند؛ ل دەمەکی خودایێ مەزن -كو كەس وەكی وی خودان سوز و پەیمان نینە- نە بڕێکا شەڕی، بەلكو ب هڕوبای و سەربازێت نەدیتی و ترسێ، ئەو سوپایێ بێهژمار د ماوەیەكێ كێمدا شەرمزار كر و نەچاربوون بزڤرن و ئێدی نەشیان بهێنە سەر مەدینێ و نەچاربوون سوڵحا حودەیبیێ بكەن.
ئەرێ باشە هەکە «سەلمانێ فارسی» قەدەرا خودێ نەبیت بۆ سەرئێخستنا ڤی دینی، دێ بۆچی وەکی عەبد هێتە مەدینێ و موسلمان بیت و تەکبیرا هڵكولانا خەندەکێ كەت دا كافر نەشێن بهێنە ناڤ مەدینێ؟! کو ئەڤەژی پلانەکا سەربازیا فارسان بوو، بۆ وێ ڕۆژا غەریب.
باشە هەکە قەدەرا خودێ نەبیت بۆ سەرئێخستنا ڤی دینی، «نوعەیمێ كوڕێ مەسعودێ غەتەفانی» چەوا ب دزیڤە دهێت موسلمان دبیت و دووبەرەکیێ
دئێخیتە ناڤبەرا قورەیشی و جوهیان كو نوعەیم كەسەكێ جهێ باوەرێ بوو ل نک هەردوولا؟! ڤێجا دەمێ قورئان وان ڕوویدانا تۆماردکەت د سوورەتا ئەحزابدا و تۆ دخوینی، دێ مینیە حێبەتی ژ مەزنیا ڤێ پەیامێ و سەرئێخستنا وێ ژ لایێ وی زاتێ ئەو هنارتی، هیڤی دكەم هوین تەفسیرا ڤێ سوورەتێ بخوین -من مفایەکێ مەزن ژێ دیتیە- دا یەقینا هەوە زێدەتر لێبهێت. بۆ ئەڤا مای دبەشێ دووێدا، من دڤێت هێدی هێدی بچمە سەر بەحسێ «زكريا بطرس»، کو ئێکەم دژمنێ ئیسلامێیە ل ڤی سەردەمی، و دیار بکەم كا خودێ چەوا ئەو ڕویڕەش و شەرمزار کریە.
نڤێسینا: ئەندازیار عوسمان.
#رێکخراوا_ئاستانە