شەرمزابوونا ئێكەم دژمنێ ئیسلامێ د ڤی سەردەمیدا

شەرمزابوونا ئێكەم دژمنێ ئیسلامێ د ڤی سەردەمیدا


-بەشێ دووێ-
مە گوتبوو پاراستن و سەرئێخستن و گەهاندنا پەیاما خودێ هەتا قیامەتێ دێ خودایێ مەزن بخۆ پێ ڕابیت، بتنێ یا پێدڤی ل سەر باوەرداران ئەو پێکولێن خۆ بکەن: (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ (9)الحجر، (فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ (94) إِنَّا كَفَيْنَاكَ الْمُسْتَهْزِئِينَ (95) الحجر ). 

ئانکو: تۆ ئەی پێغەمبەر( ﷺ) پەیاما خۆ ڕابگەهیەنە و پویتە ب موشرکان نەکە، و ئەم بەسی تەینە و مە بەڵا دوژمنان و، نەحەزان و یاریپێکەرا ژ تە ڤەکرییە.

یان دبێژیت: (إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَى وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيمٌ (40) التوبة )،  ئانکو: "ئەگەر هوین [گەلی خودان باوەران] پشتەڤانی و هاریكارییا‏ وی [پێغەمبەرێ من] نەكەن، نێ ب ڕاستی خودێ هاریكارییا‏ وی كر، وەختێ گاوران ئەو [پێغەمبەر ل مەكەهێ] ئێك ژ دوویان [كو ئەبو بەكرە] دەرئێخستی، وەختێ ئەو هەردوو د شكەفتێڤە بوون، دەمێ دگۆتە هەڤالێ خۆ [ئەبو بەكری] ب خەم نەكەڤە، نێ خودێ یێ د گەل مە، هینگی خودێ دلرەحەتییا خۆ ب سەردا داڕێت و پشتەڤانییا وی ب لەشكەرەكی كر هەوە نەددیت، و داخوازا گاوران بۆ شركێ و گاورییێ ب بن ئێخست، و داخوازا خودێ بۆ ئیسلامێ ب سەرئێخست و بلندكر، و خودێ ب خۆ سەردەست و كاربنەجهە". 

د وێ هەمی نەڕحەتییا خۆشتڤیێ خودێ تێدابوو، كو ئەو و هەڤاڵێن خۆ ل مەككەهێ د دوورپێچکری بوون ب كافران و ژ دەرڤەی مەككەهێ ژی ب دوو ئیمبراتۆریەتێت مەزنێت سەردەم؛ كو فارس و ڕۆم بوون، ب وی حالی ژی دهزرا کەسێدا نەبوو دێ خودێ مزگینیت زۆر و ئاڤا كەوسەرێ و تێچوونا ناحەزێت وی دەتێ، ژ وی سەردەمی هەتا قیامەتێ: (بِسْمِ اللَّهِ الرَّحْمَنِ الرَّحِيمِ

إِنَّا أَعْطَيْنَاكَ الْكَوْثَرَ (1) فَصَلِّ لِرَبِّكَ وَانْحَرْ (2) إِنَّ شَانِئَكَ هُوَ الْأَبْتَرُ (3) ). «هەژار»ێ كوردزمان وەسا شلوڤەدکەت: "ب ناڤێ خودایێ بەخشندە و دلۆڤان. مە گەلەک تشت دانە تە، ڤێجا تۆ بۆ ئافراندەرێ خۆ نڤێژێ بکە و قوربانیێ بدە، یێ كەربێ دهاڤێتە تە و حەژ تە نەكەت، ئەوە یێ وار كۆرە و ژ خێرێ دادۆتی و بێ سەروشین".

ژ وێ رۆژێ تا ئەڤرو ژی ئەوێن د گوپیتکا دوژمنداریا ویدا، یان دبنە پەلاتینکێن پەرسوتیێت خزمەتکرنا روناهیا موحەممەدی، یان خودێ وان شەرمزار دكەت و قوتبر دکەت و دمیننە بێ دیندەهـ. نموونە ژی ئەو کەسێ ب ناڤ حەلەبچەییە كو عەلمانی د ڕۆژنامەیەكێدا ب "مەریوانێ تەزویرچی" ناڤ دکەن؛ ئێکەم كتێبا لسەر ناڤێ خۆ نڤێسی یا وی بخۆ نینە و «سیامەند ستوودەیێ» فارسی ل ئەمەریكا نڤێسیە. هەروەسا برواناما قوتابخانێ تەزویر كربوو، ئەڤجا خزمەتا خو ژی ئینابوو لێ ئەوژی هەر یا تەزویر بوو. عەزیزێن من، ما کەسێن تەزویرچی دێ چ پێ هێتەکرن بەرامبەر (صادق ألأمین)ەکی كو خودێ و هەمی چێکری شەهدەهیێ بۆ ددەن: (وَيَقُولُ الَّذِينَ كَفَرُوا لَسْتَ مُرْسَلًا قُلْ كَفَى بِاللَّهِ شَهِيدًا بَيْنِي وَبَيْنَكُمْ وَمَنْ عِنْدَهُ عِلْمُ الْكِتَابِ (43) الرعد ).( هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيدًا (28) مُحَمَّدٌ رَسُولُ اللَّهِ...الفتح)...

دگەڵمە بن تا بەحسێ شەرمزابوونا دوژمنێ ئێکێ و یێ سەرڕەق ((زەكەریا بوترسی)) بۆ هەوە دكەم.

نڤێسینا: ئەندازیار عوسمان

#رێکخراوا_ئاستانە