شەرمزابوونا ئێكەم دژمنێ ئیسلامێ د ڤی سەردەمیدا
شەرمزابوونا ئێكەم دژمنێ ئیسلامێ د ڤی سەردەمیدا
-بەشێ پێنجێ-
پێگەهێ ویكلیكس كو ل ساڵا 2006 هاتبوو دامەزراند، ب سەدان هزار بەڵگەنامێت نهێنی یێت حكومەت و كەسایەتیێن وێ بەڵاڤكرن، دامەزرێنەرێ وێ جولیان ئەساج بوو ، پشتی سکاڵایێن زۆر لێهاتینە کرن ساڵا 2012 ل سەفارەتا ئیكوادۆرێ مافێ پەنابەریێ وەرگرت و ل وێرێ ما تا بەریتانیا دەستگیركری ل ساڵا 2019 ، هندەك ب وێ چەندێ تۆهمەتبار دكەن کو رووسیا دپشت ویڕایە، ئەو ژی دبێژیت هەر ل دەسپێکێ من بەڵگەنامە ل سەر پۆتینی بەڵاڤكرین ، هەرچ بیت گێلەشوکەکا مەزن د دونیایێدا پەیداکر و ئێک ژ كارێن باشێن كری ئاشكراكرنا بەڵگەنامەیەكێ بوو كو پشتی د ناڤبەرا قەشە زەكەریا بوترس و پارێزەرێ وی (هانی صوبحی) تێكدچیت و پارێزەرێ وی ب نامەیەكێ گەفا لێدكەت كو ئەگەر بەحسێ وی ب خرابی بکەت دێ دزیێن قەشەی هەمیان ئاشکرا کەت، ئەڤ دزیێن کرین ژ دان و هاریکاریێن خەڵكێ فەڵە بۆ كەناڵێ (الحیاە) هەر ژ ساڵا 2007 تا 2010 ، کو ب وان پارا بوو خودانێ زێدەتری دوازدە ملیۆن دۆلاران و چەند ڤیللە پێ كڕین و دا هندێ دا ئاشکرا نەبیت سێ ژوان ب ناڤێ خۆ و هەڤژینا خۆ ئێخستنە سەر كەسەكێ نێزیكێ خۆ ب ناڤێ (سەمیر عەبدول مەلیك) ..
ئەڤجا ئەو گرێبەستێن كڕین و فرۆتنێ ژی وەكی هەمی كڕین و فرۆشتنەکا دی ل ئەمەریكا دشێی ژ ئەنتەرنێتێ وەربگری و بەڵاڤبكەی، ئەوژی وێ دسەلمینیت ئەو ڤیللە هەر یێت وی بخۆنە و ل ساڵا 2010 و 2011 وی بخۆ باجێت وان داینە..
سەروەرێ مە محمد -صلی الله علیە وسلم- ب دیدەڤانیا دۆست و دوژمنێت وی راستگۆ و ئەمیندار و دەستپاكێ عەردو و عەسمانا بوو، ئەوێن تەحنا لێددەن گەلەک پێڤەناچیت شەرمزاردبن و دەردکەڤیت ئەو دز و گەندەڵ و دبێ بهانە ، راستە هەكە خودێ ب دلوڤانیا خۆ بو دەمەكی مۆڵەتێ بدەتە وان ل دوماهیێ ب قەدەرا خۆ هندەک کەسان ل سەر وان زاڵ دکەت کو وان بکەنە سەربۆر، ئێدی باشە زەكەریا بوترس دئێتە دانان وەک ئێکەم دوژمنێ ئیسلامێ و گەلەکێ شەهرەزابوو د مێژوویێداو درەو چێکەرێ زێدە عەجێبتگری بوو ، زەڵامێ ئاینیێ مەسیحی بوو، دهاتەهژمارتن وی دونیا نەڤێت، دگەل هندێ ویژی و گەلەکێن دیێن وەكی وی بۆچی خۆ لبەر پارە و حەزوڤیان و ئافرەتان نەگرت.. باشە چەوا ئەو بەڵگەنامە كەفتنە بەردەستێ ویكلیكس و هەتکا قەشەی چوو؟؟وەدیارە هەر پیلان و تەکبیرا خودێیە و نەحەزێت سەروەرێ مە شەرمزار دكەت، خودایێ مەزن دبێژیت: (وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ (46) فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انْتِقَامٍ (47) ) سورة ابراهیم.
ئانکو: "مشركێن مەککەهێ پیلان گیڕان، و پیلانێن وان ل نک خودێ د ئاشکرانە و یێ پێ ئاگەهە، هەرچەندە پیلانێن وان وەسا دژواربوون کو چیایان ژبن ببەن. هزر نەكە ئەو پەیمانا خودێ دایە پێغەمبەرێت خۆ ژێ لێڤە ببیت و ب جهنەئینیت، ب ڕاستی خودێ یێ سەردەست و تۆلڤەكەرە"...
هیڤیدارین دگەڵمەدا بمینن.. تمامەکەرا بابەتی هێشتا مایە..
نڤێسینا: ئەندازیار عوسمان
#رێکخراوا_ئاستانە