ل هەلکەفتا ژدایکبوونا مەسیحی: "ڤەگەڕاندنا شکۆیا مەسیح و دەیکا مەسیحی!"

ل هەلکەفتا ژدایکبوونا مەسیحی:
"ڤەگەڕاندنا شکۆیا مەسیح و دەیکا مەسیحی!"

مەسیح (علیە السلام) ئەستێرەیێ ڕەونەقدارێ ئەسمانێ پێغەمبەرایەتییێ، زەڵامێ مەزنێ تژی موعجیزەیێن نەڤەبڕی، کوڕێ خودان بها و ڕێز و دلسۆز و خۆشتڤی و بەرزترین ئافرەتا دوونیایێ و قیامەتێ، مەریەمێ (علیها السلام) .

چەند زوڵم ل ڤی پێغەمبەرێ جوان هاتییە کرن، زوڵم بەری ژدایکبوونا وی، لدەمێ ژدایکبوونا وی، لدەمێ ژیانکرنا وی، پشتی هەوڵدانێ ژبۆ خاچدانا وی، پشتی بەرزبوونا ویژی. زوڵم پشتی زوڵمێ، زوڵم ژ لایێ دووژمنێن وی، زوڵم ژ لایێ باوەردارێن وی، زوڵم ژ لایێ هەمی مرۆڤان.

زوڵمکرن دەمێ کو گوتین زاڕۆکەکێ بیژییە، زوڵم کو گوتن درەوین و دین و سحرباز و فێلبازە، زوڵم کو ڤیایی ل خاچێ بدەن، زوڵم پشتی بەرزبوونێ کو گوتن کوڕێ خودێیە، زوڵم کو گوتن بەشەکێ سێکیێ خودێیە، زوڵم کو گوتن هەر بخۆ خودێیە. هەمی گەل و هۆز و نەتەوان زوڵم ژێ کر ، هەتا نوکە ژی زوڵم لڤی مرۆڤێ جوان یا بەردەوامە.

باوەرداران و ئەوێن خۆ کرییە جهنشینێ وی و ناڤێ وی هەلگرتی زوڵمێ لێ دکەن، کیژان کارێ کرێتە لژێر ناڤێ وی ئەنجام ددەن، ل پشتگیری کرنا زوڵم و زالمان و پیروزکرنا وان لەشکەرێن بدرێژاهیا مێژوویێ وڵات و نیشتیمانێ خۆ و خەلکی وێرانکرییە و تاڵانکریە، لژێر ناڤێ پیروزێ وی هەمی پیسی و گەندەڵی و نەخۆشییەک هاتییە حەلالکرن: سکسا بێسنوور، هەڤڕەگەزبازی، کڕین و فرۆتنا ئافرەت و مڕۆڤان. بکورتی کیژان کارێ نەپەسەند و بێرەوشتی هەیە، قەشە و زەڵامێن کلێسایا مەسیحی یا ئەنجام دای، ل دووماهیکێ ژی هەمی کارێن خۆ گرێداینە ب ناڤێ مەسیحیڤە.

تاکە باوەرەک و پەڕتووکەک و پەیامەک کو ئیسلامە ئەڤ زوڵمە ل سەر مەسیحی یا لادایی، شکۆیا مەسیحی ڤەگەڕاند، جوانی و ڕەونەقداری ڤەگەڕاند، پەیامەک ب بەرفرەهییا ئەسمانی و بدرێژاهیا هزار و چار سەد ساڵان هەوار دکەت: درەوە، بوختانە، مەسیح کوڕێ بیژی نینە، کوڕێ مەریەم خانا پاقژە، مەسیح کوڕێ خودێ نینە و مرۆڤەکێ جوان و ڕەونەقدارە، مەسیحی دەست د گەل جووهی و زاڵماندا تێکهەل نەکرییە و دژی زوڵما وان ڕاوەستیایە. وی دەمێ هەوڵا لخاچدانا وی هاتییە دان، خودێ ئەو سەرئێخست و سەرکەفتنا بێسنور پێ بەخشی. نە کو بتنێ شکۆ بۆ مەسیحی ڤەگەڕاند، بەلکوو بۆ دەیک و بنەماڵا وی ژی.

ئێکێ: {إِنَّ اللَّهَ اصْطَفَى آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ * ذُرِّيَّةً بَعْضُهَا مِنْ بَعْضٍ وَاللَّهُ سَمِيعٌ عَلِيمٌ * إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنْتَ السَّمِيعُ الْعَلِيمُ} [آل عمران: 33 - 35] 
دەسپێکا هەلبژارتنا خودێ بۆ بنەماڵا عیمرانی بابێ مەریەم خانا پاقژ و دوعایا دەیکا وێ کو ئەو زاڕۆکێ د ناڤ زکێ وێدای ببەخشیت بۆ خزمەتکرنا دینێ خودێی. 
 «دەسپێکا قوربانیدانێ  بۆ دينێ خودێ!»

دوویێ: {فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَى وَاللَّهُ أَعْلَمُ بِمَا وَضَعَتْ} سووڕەتی [ال عمران: 36]
زارۆک مێ دەردکەڤت، کو ژلایێ وێ ڕەنگە نەشێت وەکی نێرا خزمەتا دینێ خودێ بکەت.
«خەم بۆ نەشیانا خزمەتکرنا دينێ خودێ»

سێیێ: {وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ} سووڕەتى [ال عمران: 36]
ژدايكبوونا مەريەما پاقژ ، دەيكا مەسيح (عليه السلام) و دوعا و لاڤاکرنا دەيکێ ژ بۆ زاڕۆکان، قەبوول بوون و وەرگرتنێ ژلایێ پەوەردگاری، چونكی پشتی ڤان دوعا و لاڤان خودایێ مەزن دوعایا وێ قەبول كر و پێغەمبەر (ﷺ) دفەرموویت: (عَنْ أَبِي هُرَيْرَةَ (رضي الله عنه): أَنَّ رَسُولَ اللَّهِ (صلی الله عليه وسلم) قَالَ: (مَا مِنْ مَوْلُودٍ يُولَدُ إِلَّا نَخَسَهُ الشَّيْطَانُ، فَيَسْتَهِلُّ صَارِخًا مِنْ نَخْسَةِ الشَّيْطَانِ، إِلَّا ابْنَ مَرْيَمَ وَأُمَّهُ). ثُمَّ قَالَ أَبُو هُرَيْرَةَ: اقْرَءُوا إِنْ شِئْتُمْ: [وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ ]) [آلعمران: ٣٦]
واتا : ژ ئەبو هورەیره‌یڤە (خودێ ژێ ڕازی بت) كو پێغه‌مبه‌ری (ﷺ) یێ فه‌رمووی: ((هه‌ر زاڕۆکەکێ ژدایک دبیت، شه‌یتان پێڤە و تێڤە دژەنیت و ئه‌وژی دێ قیژیان ڕاهێلیت لڤێ تێڤه‌ژه‌نینا شه‌یتانی، ژبلی كوڕێ مه‌ریه‌مێ و دەیكا وی.)) پاشیکێ ئەبو هورەیره‌ (خودێ ژێ ڕازی بت) گوت: گه‌ر حه‌زدکه‌ن ڤێ ئایه‌تێ بخینن كو ئه‌ڤه‌ ڕامانا وێیە: ئەز مه‌ریه‌مێ و وەچەیێ وێ په‌نادده‌م ب زاتی تە ل خراپییا شه‌یتانێ نه‌فرەت لێ كری.))

چارەم: {فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتًا حَسَنًا وَكَفَّلَهَا زَكَرِيَّا} سورە ال عمران: 37
هەر ب ئەگەرێ  دوعایا دايکا مەریەمێ خودایێ مەزن پێغەمبەرەک تەرخانکر هەتا سەرپەرشتكارێ كچا وێ مەریەمێ بت.