مەسیح خودایە یان کورێ خودایە؟!
مەسیح خودایە یان کورێ خودایە؟!
( ئەز خودایێ هەوە مە من ب پەرێسن ) دناڤ دەهان و سەدان ئنجیل و پەیامێن قەشەیێن مەسیحیان دا ئەڤ دەستەواژەیە یێ هەی بەلێ پا چ هەبوون بوو نینە لسەر زمانێ مەسیحی هاتبیتە گوتن . نە ئاشکەرا نەژی نهێنی بانگەشەیا خوداینیێ نەکریە . رۆژەکێ لبن گوهێ قوتابیێن خۆ نەگوتیە ئەز خودایێ هەوە مە و پەرستنا من بکەن !!
دەرئەنجام کەسایەتیا مەسیحی بەرزە بوو ، بەرزەبوونەکا د کویراتیا هەمی دەق و نڤسینێن ئنجیلێ دا ، گەلەکا بزەحمەتە کەسایەتیا مەسیحی دیاربکەین . کویراتیا هندەك دەقا و راڤەکرنا هندەك دەقێن ئنجیلێ دوویری روحێ و رامانا پەیڤان دبێژیتە مە مەسیح خودایە . بەلێ بەرامبەر مە دەهان دەقێن ئاشکەرا و حاشا هەلنەگر هەنە دبێژتە مە مەسیح مرۆڤەکە وەك ئادەمی و پلە و هەست و نەست و دەروون و کار ... کارڤەدانا د سنورێ مرۆڤی دا دەرباز ناکەت و د راستی ژی دا ناگەهیتە ئاستێ فریشتەیان ڤێجا شنی بگەهیتە ئاستێ خودای .
بەرامبەر ژی گەلەکا ب زەحمەتە بۆ ڤەدیتنا دەقەکێ یان بەلگەیەکێ لسەر خوداتیا مەسیحی . بزاڤەکا مەزنتر یا هەی ئەوژی ڤەدیتنا بەلگەیەکێ یە یان دەقەکێ یە لسەر کو مەسیح کۆرێ خودێ بیت . بزاڤەکە بۆ پیرۆز کرن و پەرستنا مەسیحی ژ بۆ پلەیا مەسیحی بکەنە کۆرێ خودێ . بەلێ ئەڤ کارە ژی ب هەبوونا دەقا و بەلگەیا دناڤ پەرتووکا پیرۆز دا کارەکێ بزەحمەت و گرانە کو دکەڤیتە لسەر ملێن وان کەسان ئەوێن ب ساناهی مەسیحی دکەنە کۆرێ خودێ ، ئەڤ بزاڤا وانژی یا ژ قەستایە .
دەستپێکێ دگۆت مەسیح خودایە ، دهەمان دەم دا دبێژن کورێ خودایە . ئەڤ چەندە نەبتنێ عەقلێ مرۆڤان تۆشی حێبەتیێ دکەت بەلکو تۆشی دیناتیێ دکەت ... ب چ پێوەرەكی ب چ تێگەهشتنەكێ کەسەك هەم خۆ بخو بیت و هەم کورێ خۆ بیت !! ئەڤ هەڤدژیە و سەردابرنە وەل مرۆڤێ ئاقل دکەت گومانێ د ئەقلێ واندا دروست بکەت کۆ بزاڤێ دکەن کەسایەتیا مەسیحی بکەنە خودا و هەمان دەم دا بکەنە کورێ خودای !!!
دەمێ ئەڤ گەنگەشەیە دناڤ کەنیسێ و قەشەیان دا و راڤەکەرەکێ پیچەکا رێزێ ل هزرکرنەکا راست و دروست و ئەقلی بگریتن دێ دەستان ژ گەنگەشێ بەردەن و بێژن ئەڤە بابەتەکێ ئیمانیە و خلاس ... ئانکۆ بێ داخازکرنا هەبوونا بەلگەیان مەسیح خودێ یە و کورێ خودێ یە . بزاڤ بوو ڤەدیتنا بەلگەێن ئەقلی و نەقلی بزاڤەکا دەست خالیە و ژ قەستایە .
ئەرێ ئیمانەکا بێ بەلگە و بێ هەبوونا نیشانەکێ ئەرێ ئەڤە نابیتە ئیمانەکا کۆرە !!؟ دویڤ کەسایەتیەکێ بکەڤی بەلێ نەزانی چ کەسایەتیە نەزانی خودایە یان کورێ خودایە !؟ ئەرێ ما دەروونێ باوەرداری بۆ دلەکێ تاری و بەرزە نابەت ئەرێ ما دەروونی نا وەستینیت !؟ کەسێ باوەردار نزانیت ل دەمێ دوعا کرنێ هەوارا خۆ بگەهینتە خودای یان کورێ خودای . ئەرێ ما ئەڤ چەندە دەروونێ باوەرداری تێك نادەت و د راستی ژی دا ئەڤ هەوارکرنا خودای بوو ئارام کرنا دەروونیە !؟ فیترەت و ناخێ مرۆڤێ ساخ و سەلیم چاوا دشێت دگەل کەسەکی تێکەلیێ چێکەت ناڤ خودا بیت بەلێ د وەسف و دراستیا پەرتووکا پیرۆز دا کەسایەتیەکێ لەرزوك و شەپرزە و بێ کارو بار بیت ؟ مروڤ چاوا دشێت تێکەلیێ دگەل کەسەکی بکەت کو کورێ خودایی بیت و د هەمان پەرتووکا پیرۆز دا دەهان کەسانێن دیتر هەبن ناسناڤ و ناڤێ کورێ خودایی دانابیتە سەر کو گەلەک ژ کەسایەتیا مەسیحی ل دویڤ هەمان پەرتووك پاقژتر و بهێزتربن کو ببنە کورێ خودای .
ڤەدیتنا راستیا مەسیحی دهندێ دایە بهێتە ڤەشارتن کو ببیتە خودا یان کورێ خودای ... راستی ئەوە مەسیح علیە سلام مرۆڤ بو نە خودا یان کورێ خودای وەکی باب ئادەمی ژ ئاخێ دروست بوویە و وەکی مروڤان ژیایە و رابوون و روینشتن کریە و دناڤ مروڤان دا بوویە .
( إِنَّ مَثَلَ عِيسَىٰ عِندَ اللَّهِ كَمَثَلِ آدَمَ ۖ خَلَقَهُ مِن تُرَابٍ ثُمَّ قَالَ لَهُ كُن فَيَكُونُ )
ب راستی نموونەیا دروستکرنا عیسای ژلایێ خودای وەکی نموونەیا ئادەمی بوویە کو ژ ئاخێ دروستکریە و فەرمان پێکریە گوتیێ ببە ( مروڤ ) ئەوژی بویێ ، ( عیسای دایك هەبوو ، ئادەمی نە دەیك و نە باب هەبوو )
#ڕێکخراوا_ئاستانە