پەرستنا خاچێ د ئاینێ مەسیحیەتێ دا!
پەرستنا خاچێ د ئاینێ مەسیحیەتێ دا!!
خاچ ئەو دوو دارێت لسەر شێوێ مروڤەکێ دەست ڤەکری لێکدایە ب درێژاهیا مێژویا مروڤاتیێ دناڤ پتریا شارستانیەتا دا بو کوشتن و سێدارەدان و ژناڤبرنا مروڤێت خراب و تاوانبار و دز و چەتان بکار هاتیە. ئەو کەسە ب ڤێ خاچێ دهاتنە هەلاویستن لبەر گەرمێ و دوماهیێ ب ئەگەرێ تێهنێ و برسێ گیانێ خو ژ دەست ددا ب نێرینا هەمی ئنجیلان، ئێک ب هاندانا جوهیان و بجهئینانا رومانیان مەسیح ئەو گەنجێ جوانێ ژیێ وی 33 سال ب خاچێ ڤە هەلاویستن هەتاکو مری و گیانێ خو ژدەست دای، ئەگەر چ کر گری و گەلەک دوعا و خو شکاندن بو خودایێ خو کر بەلێ چ مفا نەبو و ب خاچێ ڤە مر، (ئەڤە لدوویف بیروباوەرێت مەسیحیان، و لدویف قورئانا پیروز وەکی چەوا یونس د زکێ حیتی دا رزگار بو، چەوا موسا لبن دەریایێ ژ دەستێ فیرعەونی رزگار بو، چەوا یوسف د بیرێ و زیندانێ دا رزگار بو، چەوا محمد د ناڤ شکەفتێ دا لدەمێ مشەخت بوونێ دا رزگار بو لنک خودێ گەلەکا بساناهی بو دەمێ مەسیح ژی ژ خاچێ رزگار کری و پیلانێت وان پیچ کرن)
دگەل هندێ ژی ئەڤ خاچە ئامرازەکێ پیس بی و بیە ئەگەرێ گریان و ئازاردانا مەسیحی بو ماوێ چەند روژا لسەر خاچێ، بەلێ ب تێکەل بوونا ئەفسانەیێت نەدروست و ب تێکەل بونا بیروباوەرێت پەیکەر پەرێسیێ دناڤ ئاینێ مەسحیەتێ دا ئەڤ خاچە بو ئامرازێ خوشڤیانێ و ئامرازێ پیلانا خودێ بو رزگار کرنا مروڤایەتیێ ژ گونەها باب ئادەمی، ب هەلاویستنا کورێ ئێکانەیێ خودێ لسەر ڤێ خاچێ و ب ڤێ چەندێ خودێ کەرب و کین لسەر مروڤاتیێ ڕاکر و بریار داهەر کەسەکێ باوەریێ ب خاچ دان و هەلاویستنا کورێ وی یێ ئێکا بینت دێ ژێ رازی بیت و دێ قەبیل کەت و دێ کەتە د بەهەشتێ دا و ئەوێ باوەری ب ڤێ خاچدانێ نەبیت دۆزەخ چاڤەرێ ویە و بو هەتا هەتایێ دێ دناڤ دا مینت...
دیر ژ نە لوژیکیێ ئەو پیلانا خودێ چەوا قەبیل دکەت خوارنا پارچەکا سێڤێ ژ لایێ ئادەمی ڤە تاوانەکا هند مەزن بیت کو ب خاچ دانا کورێ و یێ ئێکانە یە؟؟؟ دیر ژ نەعەقلانیەتێ کو عەقل قەبیل ناکەت، چەوا خودایەک یان کورێ خودایەکی یان بەشەک ژ خودێ ب هێتە هلاویستن ب خاچێ ڤە و ببیتە ئەگەرێ ئازاردان و پاشی مرنا وی خودای .. هەلگرێت ڤان هزر و بیران ئەڤ خاچ و ئامرازە بو وان هند د خوشتڤیە ب گەردەنا هەمی قەشەیان ڤە یا هەلاویستی یە لسەر دیوار و نەخشێ هەمی کەنیسەیا هاتیە نەخشاندن لسەر گورێ هەر مەسیحیەکی یا هەی، و سوجدێ بو دبەن و نڤێژێ بودکەن د سالێ دا دوو جەژن هەنە ب ناڤێ جەژنا خاچێ و دناڤ سرود و پەرستنا وان دا هند ناڤێ خاچێ دهێت هند ناڤێ خودێ ناهێت، پەرستن و پیروزی بو خاچێ مەزنترە ژ پەرستن و ناڤ ئینانا خودێ....
دەستپێکا پیروزکرنا خاچێ ڤەدگەریت بو چەرخێ چارێ زاینی کو پاشایێ روما قوستەنطینی د خەونا خودا خاچەک د ئاسمانی دادیت ئێکی گوتێ تو دێ ب ڤێ خاچێ شەری کەی دا ب سەرکەڤی د وی دەمی داخاچ بی دروشمێ ڕۆمانیان د شەرێت وانان دا و دەستپێکا پیروزکرنا خاچێ بو ژ لایێ باوەردارێت مەسیحیەتێ...
و پشتی ڤێ چەندێ مەسیحیان خاچێت خو ب زێر و ئەلماسی دروست کرن و لسەر تاجا قەشێت خو نەخشاند و پەیڤا خاچ کرە دناڤ نڤێژێت خودا و د ناڤ نڤێژێت بناڤ و دەنگێت خو دبێژن: ((ئاشتی بو خاچامە تاکە ئومێدا رزگاربونا مە، نعمەتا خو لسەر مە زێدە بکە و ل گونەهێت مە ببورە)) ڕاڤەکەر و موفەسرێت پەرتوکا پیروز ب دیڤ دەق و پەیڤێت زور دا دگەرن دناڤ پەرتوکا پیروز دا بو دیتنا بەلگە و پەیڤان تاکو باواردارێت وان رێزێ ل ڤێ خاچێ بگرن و ب چاڤێ ڤیانێ تەماشەبکەنێ و دا ل بەر دلێ وان یا شرین بیتن ، هەتاکو دەق یێت دروستکرینە و پال داینە بو مەسیحی هەر ژبەر ڤێ مەرەمێ ، وەکی ئەوا د ئنجیلا لوقا ئیصحاحا 14دەقا 27 دبێژیت( ئەوێ خاچا خونەراکەت و لدیڤ من نەئێت، نەشێت ببیتە قوتابیێ من) ئەڤ دەقە یێ بوویە رێکا گەهشتنێ ب مەسیحی ، کو ب هەلگرتنا خاچێ و هەلاویستن و پەرستن و پیروزکرنا وێ ل وی دەمی دێ بیە مەسیحیەکێ درست.
#ڕێکخراوا_ئاستانە