نوح (علی سلام) د پەرتووکا پیرۆزدا

نوح (علی سلام) د پەرتووکا پیرۆزدا


پێغەمبەرەکێ ماندی، زەلامەکێ تێكۆشەر و دلسۆز بو خودێ و بو گەلێ خو، كەسەكێ ئازا و چاڤ نەترس و موجاهد.

د ماوەیێ 950 سالێن  بانگەوازیکرنێدا  زمانەکێ هنگڤينى، ب ئاكار و رەوشتێن بلند و جوان، ئارمانج ژی رزگار كرنا مروڤان بوو ژ بوت پەرێسی و ڕەگەز پەرێسی و خۆ پەرێسییێ بۆ پەرستنا خودایێ مەزن و تەعالا، بۆ گەهشتنا ئارامیێ د دونيا و بەهەشتێدا ل قيامەتێ. 

ئەڤ پێغەمبەرێ جوان، چيرۆك و سەربورا وی د پەرتووكا پيرۆزدا ئەڤا هاتییە دەستكارى کرن، یا هاتییە پرڕکرن ژ نەجوانییێ، یا هاتییە پر کرن ژ  خورافات و ئاخفتنێن نە دروست، یا هاتییە تژیکرن ژ نەفرەت كرن و ڕەگەز پەرستیێ، ژبەرهندێ یا پێدڤی بوو  قورئانا پيرۆز جارەکا دیتر چيروكا بابێ دووێ یێ مرۆڤايەتیێ بۆ مرۆڤايەتیێ ب راست و دروستى دووبارە بكەتن، وێنێ وی یێ  جوان و پاقژ بۆ خەلكێ بەحس بكەتن، دیسان ڕێز و بەرزیێ بۆ نوح عليه سلام ڤەگەرینیت.

هێژایان:

یا ئێکێ: نوح ل سەر لاپەرێن پەرتوكا پيرۆزا هاتییە دەست کاری كرن ناهێتە ناسکرن وەکی  پێغەمبەر ، ب ئێك پەیڤ ژی  ئاماژە پێ نەدایە کو نوح پێغەمبەر بیت (علیە السلام) و کارێ بانگەوازییێ کربیت، ئێدى ئەڤە مەزنترين ستەمە ل پێغەمبەر نوح (عليه سلام) هاتییە کرن کو 950 سالان خەبات و بانگەوازی و پێغەمبەراتى كرن،  نڤێسەران و دەستكارى كەرێن  پەرتووكا پيرۆز  بەحس  ژێ نەكرییە و ئاماژە پێ نەدایە. مادەم وەسایە بوچی هەوە چیروک و ژیان د پەرتووکا خۆدا دانایە و کرییە ئاخفتنا خودێ؟؟

یا دووێ: د پەرتووكا پيرۆزا دەست كارى كریدا هاتییە، دبێژن: "خودێ ژبەرهندێ لافاو و تۆفان ب سەر مرۆڤايەتیێدا ئینا، چونكی خودای دیت خرابیێن مروڤا لسەر عەردی زور بوینە، هەروەسا هەمی بیروبوچونێن دلێ وی ژی ب درێژاهییا ڕوژێ تنێ ل لایێ خرابیانە، دێ بینی كو خرابیێن مروڤی لسه‌ر عەردی  یێن زور بین. (6) خودا خه‌مبار بوو کو مروڤ  لسه‌ر عەردی دروستكرین، هه‌روه‌سا دلگران ژی بو. (7) ئێدی خودای گوت: مروڤان ناهێلم، ئه‌وا لسه‌ر ڕیێ عەردێ من چێکری، مروڤ و ئاژەل و خشوک و بالندێن ئاسمانا و بونەوەرا، چونکی خەما دخوم ژ هندێ کو من ئەو دروستکرین." تكوين : 6 : 5-8.

ژبەرهندێ لافاو  بسەردا ئینا، چونكی خودێ خەمبار  بو ب دروستكرنا مروڤان؟ بوچی؟ دیارە ژبەری  هینگێ وی خودایی نەدزانی دێ خەمباربیت؟ نێ بوچی دروستکرن؟؟  

ژبەرهندێ  لافاو بسەر  خەلکێدا ئینان چونکی خودێ دلگران بی ژ دروستکرنا خەلکێ!! بوچی بەری دروستکرنا خەلکێ نەدزانی  دێ دلگران بیت؟؟ بوچی  دروست كرن؟؟

یا سێیێ: نوح (عليه سلام) كەسەكێ مەشروب خۆر و سەرخۆش بوو، کەسەك بوو  لدیف مژیلکرنا عەقلێ خوڤە بوو، لدیڤ هەوایێ خو و خو ریسکرنێ ڤە بوو، پەرتووکا پیروزا دەستکاری کری دبێژیت: "نوحی ژ  به‌رهه‌مێن خاكی كار دکەت و ده‌ست ب چاندنا ڕه‌زه‌ مێوا كر (21). ڤێجا دەمێ ژ شه‌رابێ ڤەخواری، سه‌رخۆش بوو و دبن  چادرا خوڤە  رویت دنڤست(22)" تكوين ئيصحاحى 9 : 20-23

یا چارێ: نوح (عليه سلام) د پەرتووكا پيروزا دەست كاریكریدا، كەسەکێ  دلڕەق و زمان پيس بوو لبەرامبەر خەلەتیێن زاروکێن وان زاروکێن نوح ب ریساتی دیتی نەفرت و لەعنەتا لێ دکەن، نە بتنێ زاروکێن وی بەلکوو نەڤیێن زاروکێن وی ژی.
"حامێ بابێ كه‌نعانی،  ب رویتی بابێ خو دیت و ژ دەرڤە گوتە هەردوو برایێن خو (23)، به‌لێ  سام و یافه‌ت جلەکەک ئینا و دانانە سەر ملێت وێ و ڤێجا پشت پشتکی چوون و ریساتییا بابێ خو داپوشین و ئێدی ریساتیا بابێ خو نەدیتن(24).  دەمێ نوح ژ سەرخوشیێ هشیار بووی، زانی کورێ وی یێ بچیک چ لێ کرییە (25) ڤێجا گوت: نه‌فره‌ت لێکری بیت  كه‌نعان! دێ بیتە  کوێلەیێ کوێلان بو برایێن خو. تكوين ئيصحاح 9 : 23-26.
یا پێنجێ: نوح (عليه سلام) هەر ل سەر لاپەرێن پەرتووكا پيروزا  دەستكاری  كریدا  بابێ وی  ڕەگەز پەرست و هەر ژبەر خەلەتیێن  حامی كو دبیتە بابێ  كەنعانى بابێ عەرەبا، دڤێت نەڤیێن کەنعانی ببنە کوێلەیێن نەڤیێن سامی بابێ جوهیا. 

هه‌روه‌سا گوت: "مەدح بو خودای، په‌روه‌ردگارێ سامی! بلا كه‌نعان ببیته‌ كۆیله‌یێ  سامی(27)، بلا خودا ده‌رگەها  بو یافه‌ت بکەت و د چادرێن سامی جهـ نشین بکەت. بلا کەنعان ببیتە کوێلەیێ وی. تكوين ئيصحاح 9 : 27-28


#ڕێکخراوا_ئاستانە