محمد... ماموستایەکێ فاشل یان ڕێنیشاندەرکێ سهركەفتی بوو!
محمد... ماموستایەکێ فاشل یان ڕێنیشاندەرکێ سهركەفتی بوو!
ئەوێن رەخنا ل صەحابیێن خوشتڤی دگرن و دبێژن پتریا وان پشتی مرنا پێغەمبەری(صلی الله علیه وسلم) مورتەد ببون، بتنێ کێمەك ژ وان نەبن، ئەڤەژی رامانا هندێ ددەت کو محمد (صلی الله علیه وسلم) د وان هەول و بزاڤاندا ماموستایەکێ سەرکەفتی نە بوو، یێن کو ژ پێخەمەت پەروەردەکرن و فێرکرن و گەهاندن و بانگەوازیێدا کێشاین.
ئەڤە ژی دبیتە جهێ پرسیارێ: ئەرێ چ عەقل و لوژیکەك و چ فیترەتەك قەبیل دکەت کو پەیام هێنەرێ خودێ (صلی الله علیه وسلم)، د گۆپیتکا ئێتێك و هزر و رەوشتان دا، د مەقامەکا وەسادا کو خودایێ مەزن ب چەندین پەیڤێن بلند پێناسا وی دکەت، د پلەیەکێدا خودێ بەندایەتیا تایبەت پێ بەخشیە، کو نە دایە چ کەسێن دوویتر، دئاستەکێ بلندێ ئەخلاق ناسیێدا کو رەوشتێ وی قورئان بویه، و دگەل هندێ ژی نەشیایە صەحابیێن خو پەروەردە بکەت!
ددەمەکیدا ڤان صەحابیان باوەری پێ ئینا و پشتا وی گرتن و ئاینێ وی بسەر ئێخستن، ڤیان و ترسا ژ خودێ ژ وان دباری هەتا پەیاما خو بگەهینن هەمی نەڤیێن داهاتی ب ئەمانەت و راستگویی و نیەتا پاک.
عەقل و لوژیك شاهدەییێ ددەن ئەڤە سەرکەفتنە د پەروەردە و بانگەوازیا ژیانا پێغەمبەری و پشتی مرنا پێغەمبەری ژی بوو (صلی الله علیه وسلم) هەڤدژی یا هەی هەکە بێژین ئاینەك بگەهیتە هەمی نڤشان و بو چەندین سالا ب هێزترین ئاین بیت و زورینەیا جیهانێ لسەربن، دڤێت کەسێن بهێز و دادپەروەر ل پشت بن کو خودێ ئەوێن کرینە فاکتەرێ گەهاندنا پەیاما خو و ژ وان ژی رازی بویە چونکی پەروەردەکری بوون ب پەروەردەیا ڤیانێ، چونکی راستتر و دادپەروەر تربون، هەروەکی نموونەیا دارەکێ ئەگەر رهـێن وێ باش نەبن بەرهەمێ وێ ژی یێ باش نابیت.
#ڕێکخراوا_ئاستانە