پەرتووکا پیرۆز لدەف مەسیحیان بهەردوو پەیمانێن کەڤن و نوی

#پەرتووکا_پیرۆز لدەف مەسیحیان بهەردوو پەیمانێن کەڤن و نوی  


پەرتووکا ئێکانەیە قودسیەت و پیرۆزیەکا ڕەها یا وەرگرتی دەف مەسیحیان ، دەف وان دەستوورا ژیانێ و پەرتووکا عیباداتانە ، دەف وان چ پەرتووکێن دوویتر ژ هەژی هندێ نینن مەسیحی بزڤرنە سەر ژبلی پەرتووکا پیرۆز ،د ڤێ پەرتووکێ ژی دا خودایێ خوە دنیاسن و هیدایەتێ ژێ وەردگرن . مەسیحیێت ئاسای وەسا دزانن ئەڤ پەرتووکە ژلایێ خودێ ڤە هاتیە خارێ ، ل دەف وی پەیڤ و پیت و هەتاکو هژمارا لاپەڕان ژی نڤیسیە و ڕوحا پیرۆز ژی بچەندین کەسان دایە ، بمخابنیڤە گەلەک ژ موسوڵمانان ژی وەسا یێن تێگەهشتین کو پەرتووکا پیرۆز وەکی قورئانا پیرۆزە و وەکی قورئانێ ئێعجاز و مەزنی یێن تێدا  ، هەروەسا هندەک یاهاتیە دەستکاری کرن و هەتاکو موسوڵمانێن سادەتر ژ مە یێن هەین باوەری یا هەی کو نەهاتیە دەستکاری کرن بەلکو بتنێ یاهاتیە ڕەشکرن و نەسخ کرن ، بەلێ وەرن بلا پێکڤە چەند پرسیارێن سادە ژ هەلگر و باوەردارێ پەرتووکا پیرۆز بکەین ، پەرتووکا پیرۆز ژ چەند بەشان پێکهاتیە ؟ ئێکەم نوسخا پەرتووکا پیرۆز یا چەوایە ؟  ل ساڵا چەندێ پەرتووکا پیرۆز هاتیە نڤیسین ؟ ب چ زمانەکێ هاتییە نڤیسین ؟ کێ نڤیسیە ؟ بەڕێزان هووین دزانن ئەڤ پرسیارێن سادە بەرسڤا وان دێ مە تووشی حێبەتیێ کەت ، بەرسڤا هەر ئێک ژڤان  پرسیاران  بەرسڤەکا نەئاشکەرا و سەرگێژیە ، پەرتووکا پیرۆز ژ چەند بەشان پێک دهێت ؟ بەرسڤا ڤان پرسیاران ئەگەرێ بهێنتەنگیێ  بۆ خواندەڤای ، چونکی هەر کەنیسەیەک و کۆم و مەزهەب و گرووپەکێ مەسیحی  بەرسڤەکا تایبەت بخوڤە هەیە ، دەف پرۆستانتان پەرتووکا پیرۆز  66 سیفرە (بەش)ە ، ل دەف هندەک کاسۆلیکان و ئەرسۆدۆکسان 73 سیفرەیە ، دەف هندەک ئەرسۆدۆکس و کاسۆلیێکن دوویتر 78 سیفرەیە ب پەرتووکا پیرۆزا سەبعینی دهێتە نیاسین ، دەف کەنیسەیا حەبەشی ژ 81 سیفران پێکدهێت ، ل ڤێڕێ دا کاسۆلیک پرۆستانتا تۆهمەتبار دکەن کو حەفت سیفرێن  ڕەشکرین د پەرتووکا پیرۆز دا ئەو سیفر ژی ئەڤە نە ( توبیت - یهودیت - مکابینی یەکەم - مکابینی دووەم - حکمە - یشوع بن سیراخ - باروخ ) د بەرامبەر ژی دا پرۆستانت ئەوێن بەرامبەری خو تۆهمەتبار دکەن ، کو حەفت سیفرە بۆ پەرتووکا پیرۆز زێدەکرینە ،ڤێجا ل دەف کەسەکێ نە مەسیحی دڤێت ئێک ژ وان یێ ڕاست بیتن ، خۆ هەکە بێژین پڕۆستانت ڕاستن ، ڤێجا پەرتووکا پیرۆزا کاسۆلیکان درەوە و یاهاتیە دەست کاری کرن ،  خۆ هەکە بێژی کاسۆلیک و ئەرسۆدۆکس ڕاستن ڤێجا پەرتووکا پیرۆزا پرۆستانتان درەوە و یاهاتیە دەست کاری کرن ، ئەم ژی دێ بێژین یا هەردووکان درەوە و یاهاتیە دەستکاری کرن ، چونکی چ ژوان نەشێن ڕاستیا پەرتووکا پیرۆزا خو بسەلمینیت ، نوکە ئەڤ پرسیارا سادە ل دەف هەوە یا روونە (پەرتووکا پیرۆز چەند بەشە ؟) بەرسڤا وێ چەند یا بێسەروبەر و بسەر گێژیە ؟ 

چاپا ئێکێ ژ پەرتووکا پیرۆز یا چەوایە ؟ ل سەدێ پازدێ زاینی ئێکەم چاپخانە هاتە دامەزراندن ، بەری چاپخانێ نڤیسین بدەستی دهاتە نڤیسین، ڤێجا لسەر بەرا با یان ژی لسەر پیستی یان ژی کاغەزا بەری دهاتە نڤیسین، پەرتووکا پیرۆز ژی وەکی هەمی نڤیسینان لسەر ڤان تشتان یاهاتیە نڤیسین ، بەلێ ب ئەگەرێن جودا جودا نووکە ئێک دەستنڤیس نینە بەلگە بیت ل سەر وێ چەندێ دەمێ دبێژین فەرموو ئەڤەیە پەرتووکا پیرۆز ،  نە بتنێ پەرتوکا پیرۆز هەمی ، هەتاکو ئێک سیفرە ژی نینە دەستنڤیسێ ئەصلی بیت ، بۆ نموونە ئینجیلا مەرقۆسی تو ل دونیایێ هەمیێ بگەریێی ژ بۆ بدەستڤەئینانا دەستنڤیسێ دەستێ مەرقۆسی بدەست مە ناکەڤیت ، هەروەسا سیفرێن دوویترێن دی ژی یێن پەرتووکا پیرۆز .... ئانکو دەستنڤیسێ ئەصلیێ پەرتووکا پیرۆز یا ل هەمی دونیایێ بەرزەبووی . 

ل سالا چەندێ پەرتووکا پیرۆز هاتیە نڤیسین ؟ 

پەرتووکا پیرۆز د ماوێ 1600 سالان دا یا هاتییە نڤیسی ، ئانکۆ ل سەردەمێ موسی (علیە السلام) ل دوویف ئاخفتنا وانان ، و بەلگەژی لسەر نینە بەری  1500 سالان بەری ژ دایک بوونا مەسیحی بیتن ، پێنج سیفرێن ئێکێ یێن  پەرتووکا پیرۆز نڤیسی و دووماهیک  سیفرە ژی سیفرا ئاشکراکرنێ (رویا یۆحەنا) ل 96 ئێ زاینی  نڤیسییە ... پەرتووکەکێ ئەصلێ وێ یێ دیار نەبیت و ئەڤ ماوە هەمیە یێ پێدڤی بیتن  بۆ نڤیسینا وێ دێ چ پەرتووکەکا بێسەروبەر بیت ، بتایبەتی لسەردەمێ مللەتەکێ بوو ئەوژی مللەتێ جوهی بوون کو هەمی ژیانا وان شەڕ و ئاریشە و دەرئێخستن و مشەخت بوون و ماڵ وێرانی بوو ، ژبەر هندێ  ئەڤ هەمی هەڤدژیە دناڤ دەقان دا و خەلەتیێن مێژووی دناڤ دەقان دا دکەڤیتە بەرچاڤێ مە .
پەرتووکا پیرۆز ب چ زمان هاتییە نڤیسین؟ 

پەرتووکا پیرۆز ب زمانێ عیبری و یۆنانی و ئارامی نڤیسییە !!! جیاوازیا زمانێن نڤیسینا پەرتوکا پیرۆز ، هەر سیفرەک و بەشەک بزمانەکێ نڤیسیبیت ، ئەگەرەکێ سەرەکیە  بۆ هەبوونا جوداهی و هەڤدژیێ د ڤێ پەرتووکێ دا ، و ئەوا نوکە ل بەر دەستێ مە، تنێ پەرتوکەکا وەرگێڕاییە ، پەرتوکا زمانێ ئەصلی بدەست مە ناکەڤیت ،

هەتاکو ب وی زمانی بخینین .
کێ پەرتووکێن پیرۆز نڤیسینە ؟

لدەف مەسیحیان ئەڤ پەرتووکا پیرۆز 40 کەسێن پشکداربووین دنڤیسینا وێ دا ، ژوانان ژی پێغەمبەرێ هەی و  ژوانان ژی یێ هەی پێغەمبەر نینە ، هەرئێکێ ئاستێ ڕەوشەنبیریا وان یا جودایە ، ئەڤ هەمی خەلکێ زور پشکداربووینە د نڤیسینا وێ دا ژئەگەرێ جوداهیا ئاستێن پشکداربوویان ، ئەگەرەکێ دوویتر دێ دروست دبیت ژ بۆ هەبوونا دەقێن هەڤدژ و خەلەتیێن گەلەک سەیر و سەمەرە.

#ڕێکخراوا_ئاستانه