کا ئنجیلا مەسیحی؟
کا ئنجیلا مەسیحی؟
ئەز و تۆ ، زانا و نەزان ... دەمەکێ مە ئەڤ پرسیارە دکر . کا ئنجیلا مەسیحی . کا ئەو ئنجیلا ژ گەلەك دەقێن پەرتووکا پیرۆز ئاماژە پێ دکەن لسەر زمانێ مەسیحی ؟ کا ئەو ئنجیلە یا موسلمانان باوەری پێ هەی ؟ بەرسڤ نینە . ئەڤە بو ماوێ سەدان سالایە بێ دەنگیەکا کویرا بخوڤە دیتی !! ژلایێ مەسیحیان ڤە دەستپێکا ئنجیلێ لسەر دەستێن قوتابیێن مەسیحی دەستپێدکەت . نە مەسیحی بخۆ . ژلایێ وانڤە رۆژەك ژ رۆژان مەسیحی پەرتووکەك بدەستێ خۆ نەگرتیە و گۆت بیت : فەرموون ئەڤە ئنجیلا منە . بەلکۆ ل دەڤ وان ئەو نڤیسین و پەیام ژلایێ قوتابیێن مەسیحی ڤە هاتینە نڤیسین . رۆژەك ژ رۆژان ناڤێ ئەڤان ئنجیلا لسەر زارێ مەسیحی نەهاتیە گوهلێبوون رۆژەك ژ رۆژان مەسیحی ئنجیلا مەتا و مەرقۆس و لۆقا و یوحەنا نەدیتیە هەر ئاگەهــ ژ پەیامێن زۆرێن پۆلس و یەهوزا و بوترس و یەعقوب نەبوویە .
دەستپێکێ مەسیحی ئنجیل هەبوو ؟ فەرموون پەرتووکا پیروز بخۆ بلا بەرسڤێ بدەت ... بەلێ مەسیحی ئنجیل هەبوو . بەرپەرێن ئیصحاحا ئێکێ دەقێ 6-8 ( 6'' سەیرە چاوا وەسا بلەز ب نیعمەتا مەسیحی گازی کر و بۆ ئنجیلەکا دی وەردگرن . 7 '' ئنجیلەکا دی نینە ، بەلکۆ هندەکان دڤێت وە سەرداببەن و پەیاما ئنجیلا مەسیحی بگوهۆرن . 8 '' بەلێ ئەگەر بتنێ ئەم یان فریشتەیێن ئەسمانی ئەو ئنجیلا دایە مە ، ژبلی وێ ئنجیلا مە دایێ ، نەفرت لێکری بیت )گەلەك یا روونە دڤان دەقان دا بەحسی ئنجیلا راست دکەن ، کۆ خەلك پشتا خۆ ددەتێ و لدویڤ ئنجیلا نەدروست دکەڤن .
پۆلس ژی ل جهەکێ ئاماژەی ب ئنجیلا مەسیحی دکەت ( سزایێ وانا ددەتێ یێن خودێ نە نیاسن و دیڤچوونا پەیاما ئنجیلا عیسای نەکەن و خودان رێز نابن ) دوو سالۆنیکی » ئیصحاحا 1-8 و دەهان دەقێن دیتر ... هەمی بەحس بەحسێ ئنجیلا مەسیحی یە ، بەلێ کەسەك داخاز ژوان بکەت و بێژتێ کا ئنجیلا مەسیحی نیشا مە بدەن ! دێ بهانەیەکێ ئینن کۆ ژ نەبوونا ئنجیلێ خراپتر بیت . دێ بێژن مەسیح بخۆ خودا بوو ، خودا بخۆژی خودانێ پەرتووکێ نینە ، بەلکۆ پێغەمبەران پەرتووك ێن هەین . ئانکو نەبوونا ئنجیلەکێ بناڤێ ئنجیلا مەسیحی . مەرەم ژێ ئەوە سیفەتێ خودایی بدەنە مەسیحی ، و ئنجیلەکا دی بدانن وبکەنە پەیامهێن و پێغەمبەر مەسیح .
ژناڤبرنا ئەڤان بهانەیان گەلەك ساناهیترە کۆ دان و ستاندنەکا کویر لسەر بکەین .
ئێك : وەك مە ئاماژە پێکری بدەهان دەق هەنە ناڤێ ئنجیلا مەسیحی ئینابیت و بەحس ژ هەبوونا ئنجیلێ یا کری بناڤێ ئنجیلا مەسیحی .
دوو : ئەگەر وەسا بدانین ژی کۆ مەسیح لدەف وان خودا بیت . ئەو بخۆ خودایەکێ تمام و دروست نینە . بەلکو کەسایەتیا دووێ یا پێکهاتەیا خودایە و سێیانیێن بیروباوەرێن مەسیحیەتێ یە . دڤێ بیروباوەرێ دا ژی دەهان جهان باب یێ ئاخفتی دگەل کورێ خۆ . ئانکو بابێ خودا پەیام یا هنارتی بۆ خودایێ کۆر . ب دەهان دەقان ژی بەحس ژڤێ دان و ستاندن و پەیامێ دکەت . بۆ نموونە ( هەر چ تشتێ من لدەف بابێ خۆ دیت بیت دێ بێژم ) یۆحەنا 8-38 . هەروەسا ل جهەکێ دیدا دبێژیت : ئەز پێغەمبەرێ بابم ئەوی ئەزێ هنارتیم ( عیسا دبێژتێ : ئەگەر خودێ بابێ من بایە . دا هووین حەش من کەن . چونکی یێ ژ خودێ دەرکەتیم و هاتیم . ژخۆ نەهاتیمە . بەلکۆ ئەوی ئەزێ هنارتیم ) یۆحەنا 8-42
موسلمانێ خۆشتڤی : ئەو پەرتووکا ددەستێ مەدا . پێك دهێتن ژ پەیامێن نوی ، ئنجیلا مەسیحی دراستی دا ئەڤەیە یا کو ژ دوو بەشان پێك دهێت . بەشێ ئێکێ چار ئنجیلە ( ئنجیلا مەتا و مۆرقەس و لۆقا و یوحەنا ) بەشێ دووێ پێك دهێت ژ پەیامێن پەیامبەرا کۆ پێك دهێت ژ 23 پەیامان . ئەڤان پەیاما ژی پشکا شێری ژ بۆ پۆلسی کەفتی . چەند دانەیەك نەبن بزڤرنەڤە بۆ قوتابیێن مەسیحی ب تایبەت یەعقوبی و بوترسی . ئانکو ژڤان هەردووكان چ پەرتووکێن دی نینن بناڤێ ئنجیلا مەسیحی . بێگۆمان نابیت ژبیرا مە بچیت . ئەوا مە ژێ بەحس کری ئەو ئنجیلە نۆکە ل بەردەستێن مەسیحیانە . هەروەسا مە بەحسێ هەمی ئنجیلا نەکر یێن هاتینە سوتن و ژناڤچووین . هەر چاوابیت ئەم بهێینە لسەر پرسیارا خۆ . کا ئنجیلا مەسیحی ؟ بەرسڤ بێ دەنگیەکا درێژاهیا ژیێ سەد سالیە و باوەرناکەین بەرسڤ بدەست مە بکەڤیت ، چونکی ب حەزا خۆ ئنجیلا ژناڤبری .
#رێکخراوا_ئاستانە