ژیان یان مان؟

مەترسیدارترین شت کە مرۆڤ خووی پێوە بگرێت، ئەوەیە کە هەموو ژیانی لەسەر «دۆخی ڕزگاربوون» (Survival) بژی، نەک «دۆخی ژیان» (Living).

لە خەو هەستێت تا ئەوەی لێی داوا کراوە ئەنجامی بدات،

ئیش بکات تا مانگەکان بەسەر ببات،

کەمێک پشوو بدات، تا دیسان بگەڕێتەوە بۆ هەمان بازنە.

ئیدی بە تێپەڕینی کات، هەموو چەقی سەرنجی دەگۆڕێت بۆ:

چۆن بەرگە بگرم؟

چۆن تەواوی بکەم؟

چۆن کۆتاییی پێ بهێنم؟

بێ ئەوەی هیچ کات لە خۆی بپرسێت:

ئایا بەڕاستی ئەو ژیانە دەژیم کە دەمەوێت؟

کێشە ئەوەیە مرۆڤ لەوەیە ڕا بێت لەسەر ئەم جۆرە ژیانە، بە جۆرێک کە بوەستێت لە بیرکردنەوە لە خەونە کۆنەکانی، یان ئەو شتانەی کە مانا و گوڕوتینیان پێ دەبەخشی.

نەک لەبەر ئەوەی نایەوێت...

بەڵکوو لەبەر ئەوەی ماوەیەکی زۆر تەنیا سەرقاڵ بووە بە هەوڵی «مانەوە»!

هەر بۆیە، هەندێک خەڵک حەوجێی ئەوە نین کە هەموو ژیانیان بگۆڕن، بەڵکوو تەنیا ئاتاجی ئەوەن کە بیریان بکەوێتەوە بۆ ئەوە خەڵق کراون تا بە ماناوە بژین؛ نەک تەمەنیان بە زایە بدەن لە ڕاکەڕاکی بەردەوامدا، بەبێ بوونی ئاراستەیەکی ڕوون و ڕەوان.

ــ د. عەبدولکەریم بەککار

#ئاستانە_Astana