بیانوو زۆرە، بەڵام ئایا هیچیان بەکەڵکی قیامەت دێت؟

دەتوانین هەستەکانمان بەرامبەر بە کەسوکارمان لە غەززە، بە شێوازی جۆراوجۆر سڕ بکەین؛
لەوانە: بیانووی دەستەوەستانی و بێدەسەڵاتیی ڕەها، یان بە ڕەخنەگرتن و ناڕەواکردنی گوێگرتن لە هەواڵەکان و، پاساوهێنانەوە بۆ ئەم هەڵاتنە بە ناوی: «دوورکەوتنەوە لەو دیمەنانەی ئازار بە دەروون دەگەیەنن».

هەندێکمان تەنیا بە چرووکی و دەستنوقاوی ڕازی نابین، بەڵکوو چاوچنۆکیی دەروونیمان دەگاتە ئەو ئاستەی تەنانەت چرووکی دەکەین لە: «هەستکردن بە کەمتەرخەمی» و، ترس لە تاوانی بێدەنگبوون و پشتهەڵکردن.

تاقیکردنەوەی نیعمەتەکان لەوەدایە کە دەبێت دەستبار و هاوکار بن بۆ بەخشین؛ نەک ببنە پردێک بۆ خۆشگوزەرانییەک کە مرۆڤ بێئاگا دەکات لە هەستی دڵسۆزی و پشتیوانییەکی واجب.

خودایە! دەروویەک و ڕزگارییەک بۆ کەسوکارمان لە غەززە بنێرە کە جێگەی ڕەزامەندیی تۆ بێت و، گوناهەکانمان مەکە بە بەربەستێک کە ڕێگە لە نێوان ئێمە و سەرخستنی براکانماندا بگرێت؛ لەوەش خۆش ببە کە خۆت دەیزانیت.

ــ بەدری ئال مەرعی

#ئاستانە_Astana