چاوی سەرسامی بکەرەوە، تا ڕۆحت نەمرێت بە غەفڵەت
یەکێک لە دەردەکانی دەروون و بیرکردنەوەی مرۆڤ هەرچەند هەندێک لایەنی دەرمانیشی لەخۆ گرتووە، ڕاهاتنە!
چ حەیفە بە جوانی ڕابێیت، بەو گەردوونە چنراوە، بەو هەموو ئاڵۆزکاری و تەواوکارییە، بە بوونی خۆت بە بوونی چواردەورت، بەو هەموو ڕووداوە چارەنوسسازانەی کە تەنیا وەک ڕێکەوتێکی جوان دەیبینیت.
دەزانیت گەورەترین بەڵای غەفڵەت ڕاهاتنە، کاتێک بەم شتانە ڕادێیت، کاتێک بە بەخششەکانی پەروەردگارت ڕادێیت و وەک ڕۆتینێکی ڕۆژانە و سادە دەیبینیت، ئەم سادە ڕوانینە هەم ڕاهاتنە، ئەم سەرسامنەبوون و ئەبڵەقنەبوونە یەکەم کلیلی غەفڵەت و بێئاگایی و ڕەقبوونی دڵەکانە.
تکایە ڕامەیەن!
#ئاستانە_Astana
