Astana |

کورتە وتار - کورتەوتار - رەوتە لادەرەكان

عیرفان له مومارەسەوە بۆ قسەی ڕووت. ناونانی شتەکان بە غەیری حەقیقەتی خۆیان، یان دژەکەیان یەکێکە لە دیاردەکانی ئەم سەردەمە! جاران ئەهلی قورئان بەو کەسانە دەوترا کە زۆر پابەندبوون بە ئاینەوە و، لەجیهادیشدا لە ڕیزی پێشەوەی شەڕکەرەکانەوە بوون، بەڵام ئەمڕۆ کۆمەڵێک ناوی خۆیان ناوە "قورئانی" هەموو لێکۆڵینەوەکانیان بۆ ئەوەیە قورئان خاڵی بکەنەوە لەدەلالەتەکانی و بنەماکانی ئیسلامی پێ بڕوخێنن کە زانایانی پێشوو لەبەر ڕۆشنایی قورئان و سوننەت دایانڕشتبوون. جا ئەگەر ئەمە حاڵی قورئان بێت بەدەستی ئەهلی جەدەل و ئەهوائەوە، ئەبێ حاڵی چەمکەکانی تر چۆن بێت؟! یەکێک لەو چەمکانە عیرفانە؛ واتە خوا ناسی کە لە حاڵەوە گۆڕاوە بە مەقال. جاران بەکەسانێک دەوترا عاریف باللە کە خواناسێکی ڕاستەقینە بووایە، لەخۆشیدا زۆر شوکرانەبژێر بووایە و لەناخۆشیدا نەک هەر دان بەخۆداگر و صابر، بگرە نەک هەر ڕازی بەوەی خوابەسەریدا هێناوە، بەڵکو لەسەر ئەوەش شاکر و ذاکر و سوپاسگوزار بوو بۆ خوا کە ئاوڕی لێداوەتەوەو بواری بۆ ڕەخساندووە بەندایەتی ڕاستەقینەی خۆی بۆ بسەلمێنێ. ئەی عیرفانی ئەمڕۆ چۆنە؟ عیرفانی ئەمڕۆ بریتییە: لەباسکردنی عیرفان، نەک هەر ئەوە، بەڵکو باسکردنی کەسانێک کە لە ڕێی تەصەوفەوە ئینحرافیان کرد و، فەلسەفەی غەننوصییان هێنایە ناو ئیسلامەوە و لەجیاتی ئەوەی خوا بناسن خۆیان لێبوو بەخوا؛ لە وێنەی ئیبن عەرەبی و حەللاج و سەهرەوردی! توخوا کەسێک خاوەنی بیرۆکەی وحدة الوجود بێت کە جیاوازی نەکات لە نێوان خالق و مەخلوقدا و وەکو یەک تەماشایان بکات، یان کەسێک وابزانێ لەگەڵ خالقدا یەکی گرتووە پێی دەوترێت عارف باللە، ام جاهل باللە و مغرور بالنفس؟ ئەمانە نەک هەر عارف نەبوون، بەڵکو جاهل بوون بەنەفسی خۆشیان و خۆیان لێ بووبوو بە خوا. بەوەدا بزانە ئەمانەی ئەمڕۆ باسی عیرفان ئەکەن؛ نە خۆیان عاریفن، نە ئەزانن عیرفان چییە و، نە ئەزانن عارفین کێن کە حەللاج و سەهرەوەردی و ئیبن عەرەبییان لێ بووە بەعاریف! عاریف ئەو کەسەیە خوا بەحەق بناسێ و حقوقەکانی بزانێ و جیاوازی نێوان ئەو مەخلوق بزانێ و، ڕەخنە لەکردەوەکانی و شەریعەتەکەی نەگرێت و لەهەموو حاڵەکانیدا تەسلیمی خودا بێت و نەک هەر ڕازی بێت بەتەقدیرەکانی خوا، بەڵکو وەکو وتمان شوکریشی بکات لەسەریان. ئەوانەی لەخۆیان گۆڕان و شەیتان وەسوەسەی بۆکردن کە خوان، یان لەگەڵ خوادا جیاوزییان نییە، یان لەگەڵ خوادا یەکیان گرتووە هیچ کات لە پێغەمبەران خوا ناستر نەبوون، بۆچی لە ئەدەبییاتی ئەو پێغەمبەرانەدا ئاوها قسەگەلێک نابیستین کە لەمانی دەبیستین؟ هەموویان وتوویانە {ان اعبدوا اللە ولا تشرکوا بە شیئا} یان {اعبدوا اللە واتقوە واطيعون} و جەختیان لەسەر جیاکردنەوەی مەقامی عبودییەت لە مەقامی الوهییەت بووە. لە هەموو ئەمانەش سەیرتر ئەوەیە کابرا وا ئەزانێ بەباسکردنی عیرفان ئەبێ بە عاریف بۆیە کە دەیانبینی باسی عیرفان ئەکەن تەکەللوف ئەکەن و خۆیان ئەخەنە حاڵەتێکەوە وەکو ئەوەی لە حزووری خوادا بن و فڕیبێتن بۆ عالەمی مەلەکوت! بەپێنووسی: د.کەریم ئەحمەد

عیرفان له مومارەسەوە بۆ قسەی ڕووت.

ناونانی شتەکان بە غەیری حەقیقەتی خۆیان، یان دژەکەیان یەکێکە لە دیاردەکانی ئەم سەردەمە!
جاران ئەهلی قورئان بەو کەسانە دەوترا کە زۆر پابەندبوون بە ئاینەوە و، لەجیهادیشدا لە ڕیزی پێشەوەی شەڕکەرەکانەوە بوون، بەڵام ئەمڕۆ کۆمەڵێک ناوی خۆیان ناوە "قورئانی" هەموو لێکۆڵینەوەکانیان بۆ ئەوەیە قورئان خاڵی بکەنەوە لەدەلالەتەکانی و بنەماکانی ئیسلامی پێ بڕوخێنن کە زانایانی پێشوو لەبەر ڕۆشنایی قورئان و سوننەت دایانڕشتبوون. جا ئەگەر ئەمە حاڵی قورئان بێت بەدەستی ئەهلی جەدەل و ئەهوائەوە، ئەبێ حاڵی چەمکەکانی تر چۆن بێت؟!
یەکێک لەو چەمکانە عیرفانە؛ واتە خوا ناسی کە لە حاڵەوە گۆڕاوە بە مەقال. جاران بەکەسانێک دەوترا عاریف باللە کە خواناسێکی ڕاستەقینە بووایە، لەخۆشیدا زۆر شوکرانەبژێر بووایە و لەناخۆشیدا نەک هەر دان بەخۆداگر و صابر، بگرە نەک هەر ڕازی بەوەی خوابەسەریدا هێناوە، بەڵکو لەسەر ئەوەش شاکر و ذاکر و سوپاسگوزار بوو بۆ خوا کە ئاوڕی لێداوەتەوەو بواری بۆ ڕەخساندووە بەندایەتی ڕاستەقینەی خۆی بۆ بسەلمێنێ.
ئەی عیرفانی ئەمڕۆ چۆنە؟ عیرفانی ئەمڕۆ بریتییە: لەباسکردنی عیرفان، نەک هەر ئەوە، بەڵکو باسکردنی کەسانێک کە لە ڕێی تەصەوفەوە ئینحرافیان کرد و، فەلسەفەی غەننوصییان هێنایە ناو ئیسلامەوە و لەجیاتی ئەوەی خوا بناسن خۆیان لێبوو بەخوا؛ لە وێنەی ئیبن عەرەبی و حەللاج و سەهرەوردی!
توخوا کەسێک خاوەنی بیرۆکەی وحدة الوجود بێت کە جیاوازی نەکات لە نێوان خالق و مەخلوقدا و وەکو یەک تەماشایان بکات، یان کەسێک وابزانێ لەگەڵ خالقدا یەکی گرتووە پێی دەوترێت عارف باللە، ام جاهل باللە و مغرور بالنفس؟ ئەمانە نەک هەر عارف نەبوون، بەڵکو جاهل بوون بەنەفسی خۆشیان و خۆیان لێ بووبوو بە خوا.
بەوەدا بزانە ئەمانەی ئەمڕۆ باسی عیرفان ئەکەن؛ نە خۆیان عاریفن، نە ئەزانن عیرفان چییە و، نە ئەزانن عارفین کێن کە حەللاج و سەهرەوەردی و ئیبن عەرەبییان لێ بووە بەعاریف!
عاریف ئەو کەسەیە خوا بەحەق بناسێ و حقوقەکانی بزانێ و جیاوازی نێوان ئەو مەخلوق بزانێ و، ڕەخنە لەکردەوەکانی و شەریعەتەکەی نەگرێت و لەهەموو حاڵەکانیدا تەسلیمی خودا بێت و نەک هەر ڕازی بێت بەتەقدیرەکانی خوا، بەڵکو وەکو وتمان شوکریشی بکات لەسەریان.
ئەوانەی لەخۆیان گۆڕان و شەیتان وەسوەسەی بۆکردن کە خوان، یان لەگەڵ خوادا جیاوزییان نییە، یان لەگەڵ خوادا یەکیان گرتووە هیچ کات لە پێغەمبەران خوا ناستر نەبوون، بۆچی لە ئەدەبییاتی ئەو پێغەمبەرانەدا ئاوها قسەگەلێک نابیستین کە لەمانی دەبیستین؟ هەموویان وتوویانە {ان اعبدوا اللە ولا تشرکوا بە شیئا} یان {اعبدوا اللە واتقوە واطيعون} و جەختیان لەسەر جیاکردنەوەی مەقامی عبودییەت لە مەقامی الوهییەت بووە.
لە هەموو ئەمانەش سەیرتر ئەوەیە کابرا وا ئەزانێ بەباسکردنی عیرفان ئەبێ بە عاریف بۆیە کە دەیانبینی باسی عیرفان ئەکەن تەکەللوف ئەکەن و خۆیان ئەخەنە حاڵەتێکەوە وەکو ئەوەی لە حزووری خوادا بن و فڕیبێتن بۆ عالەمی مەلەکوت!
بەپێنووسی: د.کەریم ئەحمەد

9/29/2020 11:34:10 PM

9/29/2020 11:34:10 PM

بەشەکانی کورتە وتار

ئین عەڕەبی و عیرفان و یەکسانکردنی ئیسلام بە ئاینە گومڕاکان!	عیرفان له مومارەسەوە بۆ قسەی ڕووت.	دانانی کەسی شیاو بۆ شوێنی شیاو	ئایا خودا لە قورئان بە ولیدی کوری مغیرە دەڵێت کوڕی زینا؟
مامەڵەی جوان لەگەڵ ڕاجیاوازەکان دا	بەناو قورئانیەکان و هاوەڵان	دانپێدانانەکەی د.ئەسەد ڕۆستەم	ئيعجازى غه‌يبى
هاوەڵان و رووبەڕووبوونەوە لەگەڵ شارستانیەتەكاندا	ڕاکردن لەفەرموودە	گوێڕایەڵی کردنی پێغەمبەر (ﷺ) له نێوان (رسول) و (نبي)	ئەفڵاتون و سەنەدی فەرموودە
"ستەمى لێ مەكەن" ، تاوان بەرامبەر ابو هورەیرە	«احكام الطهارة» لەنێوان ناقورئانیەکان و واقیعدا	هەموو ئەمانە ڕاڤەی کتێبەکەی بوخارین	محمد... مامۆستایەکی فاشل یان ڕێنوێنێکی سه‌ركوتوو؟!
فەرموودە لەنێوان یاساغ کردنی نوسینەوە و بەڵگەدارێتیدا	هەبوونی نکۆڵی کارانی فەرموودە بۆخۆی بەڵگەیە لەسەر بەڵگەیەتی فەرموودە!؟	عەقڵانیەت لەنێوان وەرگرتنی فەرموودە و وەلانانیدا	فەرموودە لەنێوان قەدەغەكردنی نوسینەوەو حوججیەتیدا
ئیلحادی بەناو قورئانیەکان و دیوانی نالی مەحوی

1 2